Evrópumerkið í tungumálum (European Language Label) var afhent 15. desember við hátíðlega athöfn á Kjarvalsstöðum, en það er veitt annað hver ár á Íslandi fyrir nýbreytni í tungumálanámi og tungumálakennslu. Viðurkenninguna að þessu sinni hlaut verkefnið Telecollaboration sem er samstarfsverkefni milli spænskudeildar Háskóla Íslands og Háskólans í Barcelona í umsjón Pilar Concheiro, stundakennara við HÍ. 

Tillögur um sjóði einstaklinga til náms og hins vegar um örnám hafa nú verið samþykktar af framkvæmdastjórn ESB, en báðar eiga þær að efla færni vinnandi fólks og atvinnuhorfur þeirra. 

Dagana 10.-12. nóvember var haldið námskeið í Reykjanesbæ fyrir starfsfólk á æskulýðsvettvangi sem var á vegum Landskrifstofu Erasmus+ á Íslandi og í fleiri Evrópulöndum. Námskeiðið bar yfirskriftina Empower inclusiv-ability og hafði það að markmiði að auka hæfni þátttakenda til þess að bjóða upp á valdeflandi og inngildandi æskulýðsstarf. 

Auglýst hefur verið eftir umsóknum um evrópsk háskólanet, eða European Universities initiative, fyrir árið 2022. Til úthlutunar eru 272 milljónir evra og hefur upphæðin aldrei verið hærri. Umsóknarfrestur er 22. mars nk. og er sótt um til framkvæmdaskrifstofu mennta- og menningarmála í Brussel. 

Senn líður að lokum þessa viðburðaríka árs hjá Erasmus+ og nýtt ár er handan við hornið. Nú hefur Evrópusambandið tilkynnt um umsóknarfresti sem verða í boði árið 2022 og munu færa íslensku mennta- og æskulýðssamfélagi fjölmörg tækifæri til samstarfs utan landsteinanna. 

Þessa dagana fer fram Erasmus+ tengslaráðstefna í Hveragerði

Sérstök vefstofa fyrir starfsfólk íslenskra háskóla um möguleika í Alþjóðavídd Erasmus+ fer fram þann 2. desember, þar sem sérfræðingar frá Evrópusambandinu veita yfirlit yfir styrkjaflokkana sem í boði eru og svara spurningum þátttakenda ásamt starfsfólki Landskrifstofu. Vefstofan gefur einnig tækifæri til að heyra af upplifun íslensks þátttakanda í Erasmus Mundus.   

Evrópusambandið hefur auglýst umsóknarfresti fyrir árið 2022 í European Solidarity Corps áætluninni sem skapar tækifæri fyrir ungt fólk til þess að takast á við samfélagslegar áskoranir.

Á haustmánuðum voru 14 samstarfsverkefni í Erasmus+ valin úr hópi metnaðarfullra umsókna sem bárust Landskrifstofu fyrr á árinu og var þeim hleypt af stokkunum með opnunarfundi í lok október. Þau marka tímamót því þetta eru fyrstu samstarfsverkefni nýs tímabils í Erasmus+ og endurspegla áherslur þess vel.

Umsóknarfrestur Erasmus+ um samstarfsverkefni hefur verið færður til 5. nóvember.

Mennta- og menningarsvið Rannís stendur fyrir opnum kynningarfundi á FLAK á Patreksfirði, miðvikudaginn 3. nóvember kl: 17:00.

Mennta- og menningarsvið Rannís sækir Ísafjörð heim og býður til hádegisfundar í Edinborgarhúsinu á Ísafirði, fimmtudaginn 21. október kl. 12:15 – 13:30.

Evrópuverðlaunin fyrir nýsköpun í kennslu, voru afhent í fyrsta sinn á Íslandi í dag við hátíðlega athöfn á Kjarvalsstöðum. 

Allt er vænt sem vel er grænt – líka Evrópusamstarf! Þann 13. október stendur Landskrifstofa fyrir stuttri vefstofu sem ætluð er styrkhöfum í Erasmus+ og European Solidarity Corps og þeim sem hafa hug á að sækja um styrki í þessar áætlanir í framtíðinni. 

Þann 24. september sl. var tilkynnt formlega um áframhaldandi aðild EES/EFTA ríkjanna að nýrri kynslóð samstarfsáætlana Evrópusambandsins 2021-2027, en Rannís hefur umsjón með helstu áætlunum sem Ísland tekur þátt í. 

Fyrr í sumar úthlutaði Landskrifstofa styrkjum úr Erasmus+ og European Solidarity Corps eftir fyrsta umsóknarfrest ársins. Þetta var jafnframt fyrsta úthlutun nýs tímabils í báðum áætlunum, sem nær yfir 2021-2027.

Miðvikudaginn 22. september nk. eru tvær vefstofur á dagskrá, annars vegar um Erasmus+ aðild og hinsvegar um umsóknir í æskulýðshluta Erasmus+ og European Solidarity Corps.

Samstarfsverkefni gefa íslenskum stofnunum og samtökum tækifæri til að efla nýsköpun og takast á við samfélagslegar áskoranir gegnum samvinnu við önnur lönd. Eins og í öðrum verkefnaflokkum Erasmus+ er mikil áhersla lögð á verkefni sem færa samfélaginu okkar aukna stafræna færni, virka þátttöku ungs fólks og jöfn tækifæri og fjölbreytileika. Einnig er sjálfbærni í brennidepli og hvatt til samstarfs sem leggur baráttunni gegn loftslagsbreytingum lið. 

Með nýju Erasmus+ áætluninni 2021-2027 er í boði spennandi möguleiki þar sem skólar, stofnanir og fyrirtæki geta sótt um aðild að áætluninni. Síðastliðið vor var hægt að sækja um aðild í fyrsta sinn á sviði fullorðinsfræðslu, skóla og starfsmenntunar. Þá voru samþykktar 26 aðildarumsóknir sem tryggja aðgengi að öflugu alþjóðlegu samstarfi í námi og þjálfun.

Á vef landskrifstofunnar má nú finna undirsíðu með gagnlegum upplýsingum um öryggi þátttakenda í verkefnum erlendis. Þar má finna nokkur atriði sem gott er fyrir þátttakendur að hafa í huga bæði fyrir dvöl og meðan á henni stendur, m.a. hvað varðar tryggingar, neyðarnúmer og viðbragðsaðila komi upp alvarleg atvik.

Framkvæmdastjórn Evrópusambandsins og mennta- og menningar­málaráðuneytið veita Evrópumerkið sem viðurkenningu fyrir nýbreytni í tungumálanámi og tungumálakennslu. Umsóknarfrestur um Evrópumerkið er 4. október nk.

Umsóknarfresturinn er í æskulýðshluta Erasmus+ og einnig í European Solidarity Corps.

Skrifstofa Rannís og Landskrifstofa Erasmus+ verða lokaðar vegna sumarleyfa frá 12. júlí. Við opnum aftur mánudaginn 9. ágúst. Njótið sumarsins! 

#ErasmusDays

Verkefninu Recognition of Prior Learning in Practice lauk nú í apríl. Um er að ræða Erasmus+ verkefni sem leiddi saman stjórnvöld menntamála í ólíkum löndum auk annarra stofnanna sem vinna að raunfærnimati. Verkefnisstjórn var í höndum Universitets- och högskolerådet í Svíþjóð. 

Kynningarfundur í beinu streymi frá Brussel 8. júní kl. 12.

Evrópsk ungmennavika er haldin hátíðleg annað hvert ár til að skapa vettvang fyrir málefni ungs fólks, vekja athygli á tækifærum í Evrópu og deila farsælum árangri í ungmennastarfi. Í venjulegu árferði er þetta hápunktur evrópskra ungmennaviðburða en í skugga heimsfaraldurs eru margir viðburðir í ár haldnir rafrænt. Hér á Íslandi voru sóttvarnaraðgerðir í lágmarki þannig að hægt var að framkvæma flotta viðburði í vikunni.

Með aukinni vitund um mikilvægi jafnra tækifæra hefur þörfin vaknað enn frekar á að finna gott íslenskt orð fyrir hugtakið inclusion. Inngilding var nýlega tekið upp á arma Landskrifstofunnar enda er hér um að ræða stórt þema í áætlunum Erasmus+. Landskrifstofan er ekki eina stofnunin sem notar orðið en hægt er að sjá það í orðaforða ýmissa stofnana og samtaka. Þótt einhver klóri sér vafalaust í kollinum yfir orðinu núna þá tekur það alltaf tíma að koma orðum í almenna notkun, eins og Eiríkur Rögnvaldsson, prófessor í íslenskri málfræði, hefur bent á í pistli sínum.

Umsóknarfrestur Erasmus+ um samstarfsverkefni hefur verið færður til 21. maí

Umsóknarfrestur Erasmus+ í nám og þjálfun hefur verið færður til 18. maí.

Það styttist í næsta Erasmus+ umsóknarfrest, sem er þriðjudaginn 11. maí kl. 10:00 að íslenskum tíma. Þessi frestur lýtur að flokknum Nám og þjálfun og er fyrir öll skólastigin og æskulýðsstarf. Föstudaginn 7. maí kl. 11 ætlum við að sitja fyrir svörum um umsóknarferlið. 

Framkvæmdastjórn Evrópusambandsins stendur nú fyrir könnun meðal styrkhafa Erasmus+ í samstarfi við alþjóðlega rannsóknarfyrirtækið Ecorys. Þar er sjónum beint að hinu einfaldaða styrkjakerfi áætlunarinnar, sem styðst við einingakostnað fremur en raunkostnað þegar verið er að reikna út styrkupphæðir verkefna.

Vakin er athygli á tvenns konar opnu samráði sem Framkvæmdastjórn Evrópusambandsins hefur boðað til á sviði menntamála. Annars vegar er um að ræða samráð um sjóði einstaklinga til náms (e. individual learning accounts) og hins vegar um örnám (e. micro-credentials). Í báðum málaflokkum er stefnt að aukinni færni og stuðning fyrir fólk á vinnumarkaði þar sem nú er lögð aukin áhersla á stafræna og græna starfshætti. 

Fyrir hverja? Aðila í starfsmenntun
Hvað? Öndvegissetur
Hvenær? föstudaginn 30. apríl, kl. 7:30 – 10:30
Hvar? Slóð á vefstofuna
Ekki þarf að skrá þátttöku

Rannís óskar eftir sérfræðingum til að meta umsóknir í mennta- og æskulýðshluta Erasmus+. Umsóknarfrestur er til 30. apríl.

European Solidarity Corps áætluninni hefur verið ýtt úr vör fyrir tímabilið 2021-2027 og umsækjendur hér á landi geta farið að kynna sér þau tækifæri sem felast í henni. Um er að ræða styrkjaáætlun Evrópusambandsins fyrir sjálfboðaliðaverkefni og samfélagsverkefni, og opnað hefur verið fyrir umsóknir í báðum flokkum. 

Tækifærin í mennta- og æskulýðsstarfi í Evrópu eru bæði mörg og fjölbreytt, ekki síst í ár þegar nýtt tímabil í Evrópusamstarfi hefur hafið göngu sína.

Ný tækifæri í Evrópusamstarfi voru kynnt í beinni útsendingu frá Borgarleikhúsinu fimmtudaginn 15. apríl kl. 14:00-16:00, þegar nýrri kynslóð samstarfsáætlana ESB í umsjón Rannís, var hleypt af stokkunum.

Mikil tímamót eru í Evrópusamstarfi á sviði mennta- og æskulýðsmála, en nýrri kynslóð Erasmus+ áætlunarinnar hefur verið ýtt úr vör eftir nokkuð langan aðdraganda. Umsækjendur hér á landi geta nú farið að kynna sér hvað ber hæst í Erasmus+ á tímabilinu 2021-2027 og auglýst hefur verið eftir umsóknum fyrir árið 2021. Áætlunin verður kynnt hér á landi á opnunarhátíð sem verður streymt frá Borgarleikhúsinu 15. apríl kl. 14:00-16:00.

Ný tækifæri í Evrópusamstarfi verða kynnt í beinni útsendingu frá Borgarleikhúsinu 15. apríl kl. 14:00-16:00 þegar nýrri kynslóð samstarfsáætlana ESB í umsjón Rannís verður hleypt af stokkunum.  Kynnið ykkur tækifæri og styrki á vegum Erasmus+, Horizon Europe, European Solidarity Corps og Creative Europe.

Rannís hefur lokað tímabundið fyrir komur á skrifstofu sína að Borgartúni 30 vegna samkomutakmarkana.

Information for Erasmus+ participants in the area.

Nú hafa niðurstöður umsóknarfrests um Erasmus+ aðild verið kynntar. Samþykktar voru umsóknir 26 skóla og stofnana um allt land. Starfsfólk landskrifstofu er mjög ánægt með góðar undirtektir sem aðildin hefur fengið og bera þær vitni um bjartsýni meðal skóla og stofnana um áframhaldandi öflugt alþjóðlegt samstarf.

Birgitta Jeanne Sigursteinsdóttir er sigurvegari #mittErasmus sögukeppninnar sem stóð frá desember 2020 og fram í byrjun febrúar 2021. Birgitta hefur mikla reynslu af þátttöku í verkefnum á vegum Erasmus+ áætlunarinnar. Í upphafi vissi hún ekki hversu umfangsmikil Erasmus+ er og kom það henni því á óvart hvað áætlunin átti eftir að hafa mikil áhrif á líf hennar.

Í Erasmus+ áætluninni sem lauk í lok árs 2020 var mikil áhersla lögð á aukið aðgengi að Erasmus+. Verkefni áætlunarinnar standa öllum til boða óháð hverjum þeim hindrunum sem þau geta mætt í samfélaginu. Landskrifstofa Erasmus+ á Íslandi hefur af þessum sökum farið í átaksverkefni um að ná til breiðari hóps ungmenna, sem felur meðal annars í sér innlend og erlend námskeið auk ráðgjafar um verkefnahugmyndir og umsóknarferli.

Í ár hefst nýtt tímabil í sögu Erasmus+ sem gildir árin 2021-2027. Á næstu vikum verður auglýst eftir umsóknum og nánari upplýsingar birtar um þau tækifæri sem verða í boði. Þar sem gert er ráð fyrir óvenju stuttum umsóknarfrestum fyrir Erasmus Mundus og Jean Monnet, viljum við koma eftirfarandi upplýsingum á framfæri.

Nú hefur dómnefnd ráðið ráðum sínum og var úr mörgum góðum færslum að velja. Dómnefndina skipuðu Eva Einarsdóttir, kynningarstjóri Erasmus+, Steinar Júlíusson, hönnuður og Alma Rún Hreggviðsdóttir, nemi í arkitektúr í LHÍ.

Óhætt er að segja að árið sem leið hafi fært Evrópusamstarfi miklar áskoranir. Mörg verkefni í Erasmus+ og European Solidarity Corps (ESC) hafa þurft að breyta nálgun sinni á framkvæmdina eða frestað henni. Á þessum óvissutímum hefur Landskrifstofa fundið vel fyrir bjartsýni meðal styrkhafa á að alþjóðlegt samstarf muni blómstra að faraldrinum loknum og skipta sköpum við uppbyggingu samfélagsins. 

Í ár hefur göngu sína nýtt tímabil í sögu Erasmus+ og European Solidarity Corps (ESC) sem gildir til 2027. Byggt verður á þeim mikla árangri sem áætlanirnar hafa náð við að koma á samvinnu og skapa samstöðu í Evrópu.