Dagana 12-13 maí hittist norrænn samstarfshópur um úttektir og greiningar í tengslum við Erasmus+ áætlunina hér á Íslandi. Hópurinn hefur síðastliðið ár unnið að greiningu á Erasmus Charter (ECHE) umsóknum norrænna háskóla en ECHE er umsókn um vottun sem hver háskóli verður að fá samþykkta til að geta tekið þátt í Erasmus+ áætluninni.

Dagana 2-3 maí var fulltrúi Framkvæmdastjórnar ESB í eftirlitsheimsókn hjá menntahluta Landskrifstofu Erasmus+ á Íslandi. Heimsóknin er liður í eftirliti Fram­kvæmda­stjórnar með framkvæmd Erasmus+ áætlunarinnar á Íslandi.

Eitt helsta stefnumál framkvæmda­stjórnar ESB um þessar mundir er ný þekkingar- og hæfniáætlun New Skills Agenda for Europe og hafa ýmsir vinnu­hópar á vegum ESB fengið upplýsingar um framtakið, t.d. vinnuhópar ET2020, og fulltrúar landanna beðnir að kynna sér málið og velta fyrir sér hvaða þýðingu það hefur fyrir einstaka markhópa, s.s. starfs­menntun, háskóla­menntun, fullorðins­fræðslu, o.s.frv. Íslenskir fulltrúar hafa tekið þátt í því starfi.