Upphafsfundur nýrra samstarfsverkefna í æskulýðs- og fullorðinsfræðslu

19.2.2026

Jón Svanur Jóhannsson verkefnastjóri samstarfsverkefna
í fullorðinsfræðslu, María Kristín Gylfadóttir frá
NORTH Consulting ehf. styrkþegi
og Júlíana Grigorova Tzankova sérfræðingur hjá Rannís 

Átta verkefni hlutu styrk í æskulýðshlutanum, þar af sex smærri samstarfsverkefni (KA210) og tvö samstarfsverkefni (KA220). Í fullorðinsfræðslu hlutu tvö verkefni styrk, bæði stærri samstafsverkefni (KA220).

Markmið fundarins var að fara yfir helstu atriði sem snúa að framkvæmd verkefna, miðlun niðurstaðna og mati á árangri. Þá gafst styrkþegum einnig kostur á að kynnast og efla tengsl sín á milli.

Verkefni á sviði fullorðinsfræðslu

Í fullorðinsfræðslu hlutu tvö samstarfsverkefni styrk. Annað þeirra miðar að því að styðja við virka þátttöku eldra fólks og efla heilsu og lífsgæði á efri árum. Hitt verkefnið beinist að þróun matsaðferða fyrir þverfærni fullorðinsfræðara og styrkingu fagmennsku í fullorðinsfræðslu.

Samstarfsverkefni Erasmus+ stuðla að þróun nýrra aðferða og lausna í menntun og æskulýðsstarfi, efla alþjóðlegt samstarf og miðlun þekkingar.

Áherslur verkefna í æskulýðsgeiranum

Verkefnin sem hlutu styrk taka á fjölbreyttum viðfangsefnum innan æskulýðsstarfs og endurspegla forgangsröðun Erasmus+ á sviði inngildingar, sjálfbærni, stafrænnar þróunar og þátttöku ungs fólks. Meðal helstu áherslna eru:

• Aukið aðgengi og þátttaka ungs fólks með fötlun í rafíþróttum

• Efling nýsköpunar og skapandi þátttöku ungs fólks

• Samstarf og fræðsla um menningararf og sameiginleg gildi

• Græn matvælaframleiðsla

• Styrking stöðu stúlkna í rafíþróttum

• Tækifæri og virkni ungs fólks í dreifbýli

• Færniþróun, sjálfstraust og lýðræðisleg þátttaka ungs fólks
  
  

Landsskrifstofa Erasmus+ óskar styrkþegum innilega til hamingju með verkefnin.

Myndir frá viðburðinum: 

Styrkþegar í æskulýðshluta, séð frá vinstri, aftari röð : Jóhanna Ingvarsdóttir (Kirkjubæjarstofa Þekkingarsetur), Katrín Gunnarsdóttir (Kirkjubæjarstofa Þekkingarsetur), Kjartan Þór Ingason (ÖBÍ) , Hildigunnur M. Kristins (Markaðsstofa Reykjaness/Visit Reykjanes), Tanja Teresa Leifsdóttir (Rannís) og Júlíana Grigorova Tzankova (Rannís). Fremri röð frá vinstri: Jamie Lee (Fine Foods Islandica) og Jóhann Ragnarsson (Rafíþróttasamband Íslands). 

Tanja Teresa Leifsdóttir verkefnastjóri samstafsverkefna í æskulýðshluta

Jamie Lee frá Fine Foods Islandica sem hlaut styrk í æskulýðshluta

Jón Svanur Jóhannsson, verkefnastjóri samstarfsverkefna í fullorðinsfræðslu hjá Landskrifstofu