Tilkynning til Erasmus+/ESC styrkþega vegna Play

29.9.2025

Til flugfarþega:

• Landskrifstofa hvetur öll sem eiga bókað flug með Play að kanna strax sína stöðu og leita til síns verkefnisstjóra/alþjóðafulltrúa.

• Upplýsingar um réttindi flugfarþega og hvað eigi að gera í stöðunni má finna á heimasíðu Samgöngustofu.

Til verkefnisstjóra/tengiliða verkefna:

• Erasmus+/ESC ferðastyrkur er almennt ákveðin upphæð miðað við fjarlægð á milli staða og miðast ekki við raunkostnað ferða. Verkefnisstjóri þarf að athuga fjármagnsstöðu verkefnisins og hvort hægt sé að borga annan ferðastyrk með því fjármagni sem þegar er fyrir hendi.

• Ef ferð er ekki farin og fellur alveg niður vegna falls Play, þá er ferðastyrkurinn almennt samþykktur af Landskrifstofu á lokaskýrslustigi. 

• Einnig er mögulegt að ferðakostnaður fáist endurgreiddur og hægt sé að fara í ferðirnar á öðrum tíma.

• Ef óhjákvæmilegur kostnaður fellur á verkefnið vegna falls Play getur styrkþegi óskað eftir því að Landskrifstofa fallist á aukalegan kostnað. Til þess þarf styrkþegi að geta 1) sýnt fram á að óskað hafi verið eftir endurgreiðslu, 2) rökstutt hvers vegna ekki var hægt að fresta ferðinni og 3) sýnt að endurgreiðsla hafi ekki gengið í gegn að fullu eða hluta. Slíkar beiðnir berist Landskrifstofu við fyrsta tækifæri.

• Í samstarfsverkefnum þarf verkefnisstjóri að endurskoða fjárhagsáætlun verkefnisins fyrir aukalegan ferðakostnað, ef ferðin fellur ekki niður. Halda þarf vel til haga hvaða breytingar verða á verkþáttum og hafa samband við Landskrifstofu, ef við á.

• Verkefnisstjóri skal halda vel utan um öll gögn og kvittanir.

Verkefnisstjórar eru hvattir til að hafa samband við starfsfólk Erasmus+/ESC á Íslandi ef spurningar vakna sem ekki fást svör við hér að ofan, sjá: https://www.erasmusplus.is/starfsfolk/