Tengslaráðstefna fyrir samtök og stofnanir sem starfa með ungu fólki 4.–8. maí 2026, Nuuk, Grænlandi

9.2.2026

Viðburðurinn er fyrir þig ef:

• Þú starfar eða sinnir sjálfboðaliðastarfi í samtökum eða hjá stofnun sem vinnur með ungu fólki.
• Þú vilt byggja upp tengslanet og mögulega finna samstarfsaðila í öðrum löndum.
• Þú leitar eftir innblæstri frá samtökum og stofnunum í öðrum Norðurlöndum.
• Þú vilt fræðast um Erasmus+ og European Solidarity Corps og hvernig samtök og stofnanir sem vinna með ungu fólki geta nýtt sér áætlanirnar.
• Þú skilur og talar einfalda ensku (viðburðurinn fer að mestu fram á ensku). Ef þörf krefur verður boðið upp á túlkun á móðurmáli þátttakenda í sameiginlegum dagskrárliðum.
• Þú hefur stuðning frá samtökunum / stjórnendum til að taka þátt í öllum viðburðinum.
• Þú ert að minnsta kosti 18 ára.

Á viðburðinum munt þú:

• Kynnast samtökum og stofnunum sem starfa með ungu fólki í öðrum löndum.
• Fá innblástur úr starfi þeirra og reynslu.
• Hafa tækifæri til að finna samstarfsaðila fyrir alþjóðleg verkefni
• Fræðast um hvernig samtök og stofnanir geta nýtt sér styrktarmöguleika Erasmus+ og European Solidarity Corps.
• Kynnast dæmum um alþjóðleg ungmennaverkefni sem hafa hlotið styrk frá þessum áætlunum.
• Fá ráðgjöf og leiðsögn frá leiðbeinendum sem og starfsfólki landskrifstofanna á Íslandi og í Danmörku.

Ekki er gerð krafa um fyrri reynslu af Erasmus+ eða European Solidarity Corps til að sækja um þátttöku. Gert er ráð fyrir þátttakendum með mismikla reynslu. Þátttakendur með litla eða enga reynslu skulu taka þátt í rafrænum upplýsingafundi fyrir viðburðinn. Fundirnir tryggja að allir þátttakendur hafi grunnþekkingu á áætlununum. Þátttaka í einum slíkum upplýsingafundi er skilyrði fyrir þátttöku í viðburðinum í Nuuk.

Öryggi og aðgengi

Markmið okkar er að skapa öruggt rými fyrir alla þátttakendur. Öll eiga að njóta virðingar og jafnræðis og mismunun eða áreitni verður ekki liðin.

Ef þú þarft sérstakan stuðning til að geta tekið þátt, til dæmis hjólastólaaðgengi eða fylgdarmanneskju, munum við gera okkar besta til að koma til móts við þær þarfir.

Hagnýtar upplýsingar

Viðburðurinn fer fram á Hótel Hans Egede í Nuuk á Grænlandi dagana 4.–8. maí 2026. Komudagur er 4. maí. Heildardagskrá fer fram dagana 5.–7. maí og brottför er 8. maí. Vænst er til þess að allir taki þátt í allri dagskránni.

Gisting, máltíðir (frá kvöldverði 4. maí til morgunverðar 8. maí) og ferðakostnaður verða greidd af landskrifstofum Erasmus+ og European Solidarity Corps.

Viðburðurinn fer fram á ensku.

Umsókn

Umsóknarfrestur er 8. mars 2026. Hægt er að sækja um þátttöku með því að smella hér: Tengslamyndurnarráðstefna á Grænlandi – Fill in form

Gert er ráð fyrir um 10 þátttakendum frá hverju landi. Ef umsóknir eru fleiri en laus pláss áskilja landskrifstofurnar á Íslandi og í Danmörku sér rétt til að forgangsraða umsóknum. Allir umsækjendur fá upplýsingar um niðurstöðu eigi síðar en 12. mars 2026.