Velkomin á vefstofuna „Inspiration Room“ með Marju Sokman

27.8.2025

Ert þú með Erasmus+ eða European Solidarity Corps verkefni sem er í gangi og vilt fá hugmyndir og innblástur um hvernig hægt er að efla sýnileika verkefnisins? Við bjóðum þér að taka þátt í spennandi vefstofu með Marju Sokman, sem hefur starfað um árabil á sviði markaðssetningar.

Fyrir hverja:

Vefstofan er opin öllum, en er sérstaklega ætluð þeim sem eru með Erasmus+ verkefni í gangi. 

Ef þú vilt fá innblástur og nytsamleg ráð um hvernig hægt er að koma skilaboðum á framfæri á samfélagsmiðlum og í fréttatilkynningum, þá hvetjum við þig til að skrá þig á þetta gagnlega námskeið.

Á námskeiðinu fá þátttakendur:

  • Nýjar hugmyndir og innblástur til að auka sýnileika verkefna sinna

  • Hagnýt verkfæri til að efla miðlun og samskipti

  • Praktísk sniðmát sem auðvelda kynningarstarf

Hagnýtar upplýsingar:

  • Dagsetning og tími: 25. september kl. 12:00 - 13:00.

  • Tungumál: Enska

  • Hvar: Vefnámskeið. Hlekkur verður sendur á þátttakendur.

  • Kostnaður: Ókeypis

Um Marju Sokman:

Marju Sokman er fyrirlesari frá Eistlandi, sem hefur miðlað innblæstri og þekkingu víða um Evrópu. Marju er sérfræðingur í markaðsmálum og býr yfir víðtækri reynslu bæði úr einkageiranum og frá hinu opinbera. Hún hefur sérstakan áhuga á gervigreind og hvernig hægt er að nýta hana í miðlun upplýsinga. Marju þekkir vel hversu fjölbreytt, Erasmus+ áætlunin er og mun aðlaga efnið að aðstæðum þátttakenda.

Skráðu þig á vefstofuna

Vefstofan er samstarfsverkefni landskrifstofa Erasmus+ á Norðurlöndunum.

Nánari upplýsingar veitir Eva Einarsdóttir, kynningarfulltrúi hjá Rannís.

Fréttir

Þetta vefsvæði byggir á Eplica