Framúr­skarandi vettvangur skóla- og fræðslu­mála í Evrópu

18.10.2016

Vefgátt skóla- og fræðslumála í Evrópu, School Education Gateway , var opnuð almenningi í febrúar 2015 og frá því í maí 2016 hafa rafræn námskeið fyrir kennara (Teacher Academy) verið þar í boði. Við formlega opnun vef­gáttar­innar, sem fram fer 19. október nk., mun framkvæmda­stjórn Evrópu­sambandsins beina sjónum sínum að málefnum tengdum kennara­starfinu og horfa fram á við, með það að markmiði að skoða hvernig hægt er að gera vefgáttina að framúr­skarandi vettvangi skóla- og fræðslu­mála í Evrópu.

Á opnunarráðstefnunni verður þjónusta vefgáttarinnar kynnt og fyrirhugaðar áætlanir um að þróa hana og bæta. Einnig verður lögð áhersla á þann ávinning sem hagsmunaaðilar skóla- og fræðslustofnana í Evrópu njóta í ljósi áskoranna sem þeir standa nú frammi fyrir, sem og stefnumál og forgangsatriði áætlunarinnar.

Tibor Navracsics, framkvæmdastjóri menntunar, menningar, æskulýðsmála og íþrótta flytur opnunarávarpið og í kjölfarið verða tvær pallborðsumræður. Í fyrri pallborðsumræðunni skoða gestafyrirlesarar hvernig úrræði vefgáttarinnar geta nýst til að takast á við áskoranir sem tengjast fjölbreytileika og námi án aðgreiningar.

Í síðari pallborðsumræðunni verður fjallað um hvernig hægt sé að styðja kennara í að þróa nýjar lausnir innan ramma faglegrar þróunar, og þá sér í lagi rafrænan stuðning fyrir starfsfólk í kennslu og fræðslu.

Lokaávarpið flytur Adam Tyson, frá framkvæmdastjórn mennta- og menningarmála.

Ráðstefnan er ætluð öllum hagsmunaaðilum skóla- og fræðslumála, innlendum sem og á evrópskum vettvangi. Það verður hægt að fylgjast með ráðstefnunni í beinni á netinu.

 

Fréttir

Þetta vefsvæði byggir á Eplica