Fjórir skólar hljóta titilinn eTwinning skóli

20.3.2018

Landskrifstofan óskar fyrstu skólunum sem hljóta titilinn eTwinning skóli til hamingju! Viðurkenningin byggist á öruggri netnotkun og breiðri þátttöku í eTwinning og alþjóðasamstarfi, þ.e. að þátttakan byggi ekki á framtaki einstakra kennara heldur sé markviss, njóti stuðnings skólastjórnenda og nái til fjölda nemenda.

Skólarnir sem hljóta titilinn að þessu sinni eru: Flataskóli, Grunnskóli Bolungarvíkur, Leikskólinn Holt og Stóru-Vogaskóli.

Að gerast eTwinning skóli er liður í skólaþróun. Fyrir utan að eflast enn frekar í notkun upplýsingatækni og alþjóðasamstarfi hafa eTwinning skólar tækifæri til styrkja starfsþróun kennara og skólastjórnenda auk alþjóðatengsla skólans:

  • skólinn verður sýnilegri í skólasamfélagi eTwinning
  • fær tækifæri til að mynda tengsl við aðra eTwinning skóla í Evrópu - verður hluti af evrópsku neti eTwinning skóla
  • það verða aukin tækifæri til starfsþróunar í boði fyrir kennara og skólastjórnendur skólans 

Viðurkenningin er til tveggja ára í senn. Næst verður opnað fyrir umsóknir í byrjun árs 2019.

Sjá nánar um eTwinning skóla á Evrópuvef eTwinning.

Fréttir

Þetta vefsvæði byggir á Eplica