550 milljónum króna úthlutað í Erasmus+ náms- og þjálfunarstyrki

14.6.2019

Rannís hefur úthlutað tæplega 4 milljónum evra eða um 550 milljónum króna í náms- og þjálfunarstyrki úr Erasmus+, mennta- og æskulýðsáætlunar ESB.

Aldrei hefur verið úthlutað eins miklu fjármagni og í ár og er heildarupphæðin 10% hærri en árið 2018. Úthlutað var til 48 fjölbreyttra verkefna og njóta ríflega eitt þúsund einstaklingar frá skólastofnunum, fræðsluaðilum og fyrirtækjum góðs af styrkjunum að þessu sinni.

Í ár vekur góð þátttaka sveitarfélaga athygli og gera styrkirnir fjölmörgum kennurum og stjórnendum í leik- og grunnskólum um allt land mögulegt að sækja sér aukna þekkingu og reynslu í hinum ýmsu löndum Evrópu.

Náms- og þjálfunarverkefni gefa nemendum og starfsfólki skóla á öllum skólastigum, fræðslustofnana og fyrirtækja sem sinna menntun eða fræðslu, tækifæri til að taka hluta af námi eða sinna starfsþjálfun og kennslu í 33 Evrópulöndum. Að auki geta háskólar sótt um samstarfsstyrki við lönd utan Evrópu. Eins og undanfarin ár var hæstum styrkjum úthlutað til Háskóla Íslands, Listaháskóla Íslands, Háskólans í Reykjavík og Tækniskólans.

Erasmus+ mennta- og æskulýðsáætlun Evrópusambandsins er stærsta áætlun í heimi á þessu sviði. Ísland fær árið 2019 um 10 milljónir evra eða ríflega 1,5 milljarð króna til úthlutunar. Þar af er einn milljarður króna til menntahlutans. Markmið Erasmus+ áætlunarinnar eru að ýta undir nýsköpun og þróun á evrópskum menntakerfum, meðal annars með því að styðja verkefni sem miða að því að efla grunnþætti eins og læsi og stærðfræði, auka alþjóðasamstarf háskóla, efla sköpunargáfu og frumkvæði nemenda, vinna gegn brotthvarfi, innleiða upplýsingatækni, efla starfsemi skólabókasafna og almennt efla gæði í menntun á öllum skólastigum og í atvinnulífi.

Yfirlit yfir úthlutaða styrki eftir skólastigum*

Leik-, grunn- og framhaldsskólar

Nítján skólum og sveitarfélögum sem starfa á leik-, grunn- og framhaldsskólastigi var úthlutað alls 358.390 evrum. Eftirtaldir hlutu styrki:

Starfsmenntun

Tíu starfsmenntaskólar og stofnanir fengu samtals 660.622 evrum úthlutað. Eftirtaldir aðilar hlutu styrki:

Fullorðinsfræðsla

Sjö aðilum sem starfa við fullorðinsfræðslu var úthlutað alls 84.510 evrum. Eftirtaldir hlutu styrki:

Háskólar

Háskólinn á Akureyri, Háskóli Íslands, Landbúnaðarháskóli Íslands, Háskólinn á Akureyri, Háskólinn á Bifröst, Háskólinn á Hólum og Háskólinn í Reykjavík fá samtals 2.250.750 evrur í hefðbundin stúdenta- og starfsmannaskipti. Þar að auki var úthlutað úr svokölluðum ,,alþjóðlegum“ hluta Erasmus+ . Í þeim flokki var háskólunum úthlutað 573.969 evrum í verkefni til að styrkja tengsl við háskóla utan Evrópu.

Úthlutun í Erasmus+ háskólahluta 2019 samstarf við lönd utan Evrópu

*Allar tölur birtar með fyrirvara um innsláttarvillur.