DiscoverEU Inclusion Action

Fyrir þau sem standa frammi fyrir hindrunum sem geta gert þeim erfitt fyrir að taka þátt í hefðbundnu DiscoverEU

Hvert er markmiðið?

Markmiðið er að veita ungu fólki tækifæri að ferðast um Evrópu til að efla persónulegan þroska og hæfni sem felst í því að ferðast og upplifa ólíka menningarheima og þar af leiðandi víkka sjóndeildarhringinn.

Hvað er styrkt:

• Lestar ferðapassi sem gildir í 7 daga og má nota á allt að 30 daga tímabili. Þátttakendum býðst einnig að nota annan ferðamáta ef lestarsamgöngur henta illa þeim sem sækja um.
• Ferðastyrkur til og frá Íslandi (byggt á vegalengd)
• Einstaklingsstyrkur per þátttakanda (einnig aðstoðarfólk) – 78 evrur á dag
• Umsýslukostnaður per þátttakanda (fylgdarfólk undanskilið) - 125 evrur
• Inngildingarstyrkur per þátttakanda - 125 evrur
• Inngildingarstyrkur fyrir þátttöku – 100% raunkostnaður, útskýrt og rökstutt í umsókn. Undir þetta getur fallið t.d. leiga/kaup/flutningur milli landa á búnaði, þóknun fyrir aðstoðarfólk o.fl.
• Aukakostnaður – raunkostnaður við vegabréfaáritun, bólusetningar, læknisvottorð o.fl., 80% af kostnaði við að bóka sæti í lest (í sumum löndum Evrópu verður að bóka sæti).
• Ferðalagið getur staðið yfir í 1-30 daga.
• Umsækjandi getur sótt um fyrir nokkrum ferðalögum og framkvæmt þau á 3-24 mánaða tímabili
• Hópstjórar eða fylgdarfólk þurfa að hafa náð 18 ára aldri.

Hverjir geta sótt um?

Félagasamtök, sveitarfélög, stofnanir eða óformlegir hópar ungs fólks sem vinna með ungu fólki sem þurfa aukin stuðning.

Þátttakendur í hverju verkefni geta verið 1-5 talsins (auk fylgdarfólks)

Hvernig er sótt um?

Sama og hjá öðrum KA1 verkefnum

Skilyrði úthlutunar:

Áður en sótt er um þarf að ganga úr skugga um að samtökin/stofnunin sem sækir um styrkinn sé með svokallað OID númer. Til að sækja slíkt númer þarf EU-login aðgang. Hér eru nánari upplýsingar um hvernig sótt er um í Erasmus+ sem og ítarlegar leiðbeiningar um EU-login aðgang og OID-númer