Fyrir umsækjendur

Leiðbeiningar fyrir stofnanir og lögaðila

Þegar sækja á um í Erasmus+ er að mörgu að hyggja. Hér hafa verið teknar saman nytsamlegar upplýsingar sem gott er að hafa til hliðsjónar í umsóknarferlinu. Þau sem hafa hugsað sér að sækja um eru hvattir til að skoða skilyrði umsókna, hvernig umsókn er metin, upphæðir styrkja og umsóknarfresti.

Umsóknarfrestir 2021

Nám og þjálfun

Menntun: 18. maí 2021 kl. 10 (fresti seinkað, var áður 11. maí). 

Æskulýðsstarf: 18. maí kl. 10 (fresti seinkað, var áður 11. maí) og 5. október 2021 kl. 10.

Samstarfsverkefni

Stærri samstarfsverkefni: 21. maí kl. 10 (fresti seinkað, var áður 20. maí).

Smærri samstarfsverkefni: 21. maí kl. 10 (fresti seinkað, var áður 20. maí) og 3. nóvember kl. 11.

Sjálfboðaliðaverkefni og Samfélagsverkefni

Sækja þarf um Gæðavottun og sú umsókn er opin allt til loka árs 2021.
Sjálfboðaliðaverkefni: 28. maí kl. 10 og 5. október kl. 10.
Samfélagsverkefni: 28. maí kl. 10 og 5. október kl. 10.

Handbók Erasmus+

Á heimasíðu Framkvæmdastjórnar Evrópusambandsins má finna Erasmus+ handbókina . Einnig er hægt að setja sig í samband við starfsfólk Erasmus+ á Íslandi til að fá nánari upplýsingar um þau skilyrði sem umsækjendur þurfa að uppfylla til að geta sótt um styrki í Erasmus+.

Erasmus+ og ESC torgið

Erasmus+ og ESC torgið eða EESCP - Erasmus+ and European Solidarity Corps platform (einnig kallað single entry point) er ný síða þar sem hægt er að nálgast helstu kerfi sem umsækjendur eða styrkhafar í Erasmus+ og ESC þurfa á að halda. Torgið er aðgengilegt án innskráningar en til að komast inn í ýmsa hluta þess þarf EU login innskráningu. Til að mynda þarf að skrá sig inn til að geta opnað umsóknareyðublöðin.

Á Erasmus+ og ESC torginu er hægt að nálgast helstu kerfi sem tengjast umsóknum og umsýslu verkefna í Erasmus+ og ESC s.s. vefeyðublöðin, OID skráningarkerfið (organisation registration system), mobility tool og fleira.

Helstu þrepin í umsóknarferlinu

Þrep 1: Kannaðu möguleikana innan Erasmus+

Menntahluti Erasmus+ styður verkefni í tveimur flokkum. Annars vegar eru veittir styrkir í flokknum Nám og þjálfun og hins vegar í flokknum Samstarfsverkefni. Styrkjum til náms- og þjálfunar sem og til samstarfsverkefna er skipt í flokka eftir markhópum og skólastigum. Mikilvægt að gera sér grein fyrir því að tækifærin geta verið ólík á milli markhópa og skólastiga.

Skoða tækifæri í Erasmus+

Skólar (leik-,grunn- og framhaldskólastig)
Starfsmenntun
Háskólastig
Fullorðinsfræðsla
Æskulýðsstarf

Þrep 2: Lestu handbókina

Lestu Erasmus+ handbókina til að tryggja að þú skiljir reglurnar sem liggja að baki styrkveitingum og hvort verkefnið þitt falli undir kröfur sem gerðar eru um umsóknir í viðkomandi flokk og eftir áherslusviðum.

Þrep 3: Gakktu úr skugga um að stofnunin/lögaðilinn sé með OID númer

Áður en sótt er um styrk í Erasmus+ þarf að skrá stofnunina/lögaðilann inn í organisation registration system til að sækja svokallað OID númer.

Þrep 4: Sæktu um

Umsóknarferlið er algjörlega rafrænt, sem þýðir að þú fyllir út og skilar umsókninni á netinu. Hægt er að nálgast eyðublöðin á Erasmus+ og ESC torginu.

Þrep 5: Kynntu þér matsferli umsókna

Í kjölfar af mati fjallar óháð valnefnd um umsóknirnar en forstöðumaður Landskrifstofu Erasmus+ staðfestir úthlutun.

Ráðgjöf fyrir umsækjendur

Landskrifstofa hvetur umsækjendur til að hafa samband meðan á umsóknarferlinu stendur. Umsækjendur um samstarfsverkefni eru beðnir um að fylla út eyðublað með verkefnishugmynd áður kemur að ráðgjöf. Á hverju ári stendur starfsfólk Landskrifstofu Erasmus+ fyrir námskeiðum, ýmist á landsbyggðinni, í Reykjavík eða með fjarfundi. Þessi námskeið eru auglýst á vefsíðunni, á samfélagsmiðlum og á póstlista Rannís.

SKRÁ MIG Á PÓSTLISTA RANNÍS/ERASMUS+








Þetta vefsvæði byggir á Eplica