Einstök íþróttafélög, Landssambönd eins og ÍSÍ, UMFÍ, sérsambönd, og sveitarfélög geta sótt um styrki innan íþróttahluta Erasmus+. Einnig geta aðrir hagsmunaaðilar og áhugafélög í íþróttastarfi sótt um styrki. Háskólar og rannsóknastofnanir geta einnig leitt og verið samstarfsaðilar.
Einkum er horft til að styðja stór verkefni á sviði lýðheilsumála og ýmis grasrótarverkefni. Einnig er hægt að sækja um verkefni til að berjast gegn lyfjamisnotkun, mismunum hvers konar og ólöglegri veðmálastarfsemi í íþróttum. Verkefni sem stuðla að jöfnu aðgengi kynja eru einnig í forgrunni Eingöngu verkefni í áhugamennsku eru styrkt en ekki fastir íþróttaviðburðir. Hægt er að sækja um frá 80 milljónum til 320 milljóna í mismunandi verkefni.
Umsóknarfrestir eru einu sinni á ári fyrir hvern flokk og eru auglýstir á heimasíðu Erasmus+ og heimasíðu framkvæmdarstjórnar fyrir íþróttahlutann.
Áætlunin veitir íslenskri íþróttahreyfingu og opinberum aðilum sem starfa að íþróttamálum í 34 þátttökulöndum Erasmus+ möguleika á því að sækja um styrki til að hrinda íþróttaverkefnum í framkvæmd. Verkefnin geta verið af ýmsum toga en þurfa alltaf að falla að stefnumiðum Evrópusambandsins sem sett eru fram í Europe 2020 áætlun ESB, s.s. markmið um virkari þjóðfélagsþegna, aukna hæfni einstaklingatil að takast á við verkefni framtíðar, koma í veg fyrir brotthvarf úr framhaldsskólum og auka samkeppnishæfni álfunnar. Öll verkefni þurfa að hafa samstarfaðila í að minnsta kosti fimm löndum og jafnvel fleiri í einstaka verkefnaflokkum.
Erasmus+ íþróttir hefur það að markmiði að hvetja til góðrar stjórnunar í íþróttastarfi og átak gegn leikjasvindli, lyfjanotkun, ofbeldi, kynþáttahatri og fordómum, sérstaklega meðal almennra íþróttaiðkenda. Umsóknir þurfa að falla vel að þessum heildarmarkmiðum Evrópusambandsins.
Öll íþróttafélög, sérsambönd, íþrótta og ungmennafélög, sveitarfélög, háskólar, rannsóknastofnanir og áhugafélög sem tengjast íþróttum og hreyfingu á allan hátt geta tekið þátt í Erasmus + áætluninni. Ekki er mælt með að aðilar leiði verkefni til að byrja með heldur reyni að komast að sem samstarfsaðilar í verkefni.
Eftirfarandi styrkir eru í boði:
Ekki er hægt að sækja um styrki fyrir verkefni í aðeins einu landi.
Hægt er að sækja um frá 80 milljónum til 320 milljóna í mismunandi verkefni. Styrkirnir geta numið allt að 80% af heildarkostnaði við verkefnið. Eigið framlag þátttakenda er því 20%. Samstarfsverkefni geta verið í eitt til þrjú ár en íþróttaviðburðir aðeins eitt ár.
Sjá nánari upplýsingar í handbók Erasmus +.
Og upplýsingar um íþróttahlutann á heimasíðu Eramsus+ hjá Evrópusambandinu
Íþróttahlutanum er stýrt miðlægt frá framkvæmdaskrifstofu ESB í Brussel og sótt er rafrænt um beint til framkvæmdastjórnar ESB í Brussel. Hægt er að fá frekari upplýsingar um styrki innan Erasmus+ til íþróttamála á heimasíðu framkvæmdarstjórnar fyrir íþróttahlutann.
Evrópusambandið er með gagnabanka þar sem áhugasamir geta skráð verkefnahugmyndir. Einnig geta Erasmus + landsskrifstofur í hverju landi aðstoðað við leit að samstarfsaðilum.
Til að leiða verkefni þurfa aðilar að hafa fjárhagslega burði til að leiða stór verkefni. Þetta er yfirleitt ekki vandamál varðandi opinbera aðila en einkaaðilar og frjáls félagasamtök þurfa að ganga í gegnum fjárhagslegt mat áður en skrifað er undir samninga. Hugsanlega þurfa viðkomandi aðilar að leggja fram bankatryggingu.
Allir lögaðilar sem starfa á einhvern hátt að íþróttum í þeim 33 löndum sem taka þátt í Erasmus+ áætluninni geta tekið þátt. Það eru ESB löndin 28, Noregur, Lichtenstein og Ísland, Tyrkland, Makedónía. Einnig er hægt að vinna með aðilum í löndum utan Evrópu en þeir aðilar þurfa þá að vera með ákveðið skilgreint hlutverk og hafa ákveðna sérþekkingu sem samstarfsaðilar í þátttökulöndunum hafa ekki.
