European Solidarity Corps

Sjálfboðaliða- og samfélagsverkefni

European Solidarity Corps er ný áætlun þar sem sjálfboðaliðastörf tilheyra ekki lengur Erasmus+ áætluninni. Innan nýju áætlunarinnar eru innlend og erlend sjálfboðaliðastörf auk samfélagsverkefna.

Hverjir geta sótt um?

Ungt fólk á aldrinum 18-30 ára. Sjálfboðaliðaverkefnin geta verið annars vegar í Evrópu og hins vegar innanlands. Samtök og sveitarfélög geta sótt um að taka á móti eða senda einstaklinga í 2-12 mánuði, einnig er hægt að senda eða taka á móti einstaklingum sem búa við færri tækifæri í 2 vikur til 2 mánuði. Hópar geta einnig tekið þátt í 2 vikur til 2 mánuði og þá sem 10-40 manns saman.

Hvernig er sótt um?

Sótt er um í gegnum rafrænt umsóknarkerfi European Solidarity Corps. Þrír umsóknarfrestir eru á hverju ári; í febrúar, apríl og október. Samtök þurfa að hafa Gæðavottun til að geta sótt um en ungt fólk á aldrinum 18-30 ára geta sótt sjálf um að gerast sjálfboðaliðar.

  • Fyrir samtök/fyrirtæki/stofnanir
  • Fyrir ungt fólk á aldrinum 18-30 ára

Hvaða styrki er hægt að sækja um?

European Solidarity Corps veitir styrki í tveimur verkefnaflokkum:

Sjálfboðaliðaverkefni

Sjálfboðaliðaverkefnin geta verið annars vegar í Evrópu og hins vegar innanlands. Samtök og sveitarfélög geta sótt um að taka á móti eða senda einstaklinga í 2-12 mánuði, einnig er hægt að senda eða taka á móti einstaklingum sem búa við færri tækifæri í 2 vikur til 2 mánuði. Hópar geta einnig tekið þátt í 2 vikur til 2 mánuði og þá sem 10-40 manns saman.

Samfélagsverkefni

Samfélagsverkefni eru frumkvæðisverkefni sem hafa það að markmiði að bæta samfélagið. Þetta eru fjölbreytt verkefni sem tengjast meðal annars því að aðstoða fólk við að aðlagast samfélaginu, auka lýðræðislega þátttöku, efla umhverfis- og náttúruvernd og fleira.

Hver er ávinningurinn af sjálfboðaliðastörfum?

Fyrir ungt fólk: Þróa áhuga á félagslegum aðgerðum, víkka sjóndeildarhringinn, efla sjálfstraust, auka tungumálakunnáttu, efla persónulega og faglega þróun auk þess að hitta nýtt fólk og eignast nýja vini.

Fyrir samtök: Tækifæri til að vinna með ungu fólki, skiptast á góðum starfsháttum, auka skilning á félagslegum og menningarlegum fjölbreytileika, virkara faglegt umhverfi.

Fyrir samfélög: Aukin geta til að takast á við samfélagsbreytingar, móttækilegri gagnvart fjölbreytni og félagsleg aðlögun í reynd.








Þetta vefsvæði byggir á Eplica