Erasmus+ umsóknarfrestir 2020

Framkvæmdastjórn Evrópusambandsins hefur auglýst umsóknarfresti í Erasmus+ áætluninni fyrir árið 2020.

Hnottur

Menntun  

Nám og þjálfun: 11. febrúar 2020 kl. 11:00 á íslenskum tíma (athugið framlengdan umsóknarfrest).
Samstarfsverkefni: 23. apríl kl. 10:00 á íslenskum tíma (framlengdur umsóknarfrestur).

Í menntahluta er til úthlutunar um 8,7 milljónir evra (um 1,2 ma.kr.).

Æskulýðsstarf

Í æskulýðshluta Erasmus+ eru þrír umsóknarfrestir þar sem opið er í alla flokka í hverjum fresti: 

11. febrúar, 7. maí kl. 10:00 (framlengdur umsóknarfrestur) og 1. október 2020. Athugið að aðeins er tekið á móti umsóknum um stór KA2 nýsköpunarverkefni í æskulýðsstarfi þann 7. maí kl. 10:00.  Í æskulýðshluta er til úthlutunar um 1,7 milljón evra (um 240 m.kr.).

Auka umsóknarfrestur vegna Covid-19

Vegna þeirra áhrifa sem Covid-19 faraldurinn hefur á menntun, þjálfun og æskulýðsstarf hefur nú verið opnað fyrir umsóknir um Erasmus+ samstarfsverkefni þar sem markmiðið er að bregðast við áhrifum faraldursins. Umsóknarfrestur er 29. október 2020.

Erasmus aðild

Aðildin snýr eingöngu að náms- og þjálfunarverkefnum og er leið til að einfalda alþjóðastarf skóla og annarra þátttakenda. Umsóknarfrestur er til 29. október 2020.

Upplýsingar fyrir umsækjendur

Þeir sem hafa hugsað sér að sækja um eru hvattir til að skoða heimasíðuna Erasmus+ – en þar eru upplýsingar um skilyrði umsókna, hvernig umsókn er metin, upphæðir styrkja og umsóknarfresti.

Á heimasíðu Framkvæmdastjórnar Evrópusambandsins má finna Erasmus+ handbókina. Einnig er hægt að setja sig í samband við starfsfólk Erasmus+ á Íslandi til að fá nánari upplýsingar um þau skilyrði sem umsækjendur þurfa að uppfylla til að geta sótt um styrki í Erasmus+. 

Auglýsing um umsóknir í Erasmus+ fyrir árið 2020 í heild sinni.

Nánari upplýsingar veitir starfsfólk Landsskrifstofu








Þetta vefsvæði byggir á Eplica