Evrópsk vefgátt fyrir skólasamfélagið (ESEP)
Evrópsk vefgátt fyrir skólasamfélagið - frá leikskólum til grunn- og framhaldsskóla og list-, iðn- og verknáms á framhaldsskólastigi.
Fyrir hverja?
- Kennara og annað starfsfólk leik-, grunn- og framhaldsskóla
- Skólastjórnendur og alþjóðafulltrúa
- Ráðgjafa og sérfræðinga sem starfa með skólum
- Háskóla sem bjóða upp á kennaramenntun
- Öll sem hafa áhuga á málefnum skólasamfélagsins
Hvað býður ESEP?
- Fréttir og stefnuþróun í skólamálum í Evrópu
- Kennslugögn og efni til að styðja við kennslu og faglega kennsluhætti
- Upplýsingar um Erasmus+ styrki og tækifæri
- Starfsþróun: stutt netnámskeið, vinnustofur og ráðstefnur
- Leit að samstarfsaðilum í eTwinning, Erasmus+ og Jean Monnet verkefni
Vefgáttin hýsir einnig eTwinning, sem er samfélag og samstarfsvettvangur fyrir skóla og kennara í Evrópu.
Námskeið og starfsþróun
Í námskeiðaskránni (Course Catalogue) á ESEP er að finna skrá yfir námskeið sem eru í boði víðs vegar í Evrópu – bæði ókeypis netnámskeið og staðnámskeið.
Skólar sem vilja senda starfsfólk í alþjóðlega símenntun geta sótt um styrki í skólahluta Erasmus+.
Samstarfsaðilar
Í samstarfsleit ESEP er hægt að finna samstarfsaðila fyrir alþjóðleg verkefni, þar á meðal skóla sem bjóða upp á starfsskoðun eða kennsluheimsóknir.
eTwinning
Með eTwinning geta kennarar og nemendur tekið þátt í alþjóðlegu skólasamstarfi á öruggu svæði innan ESEP. Verkefnin eru sveigjanleg og auðveld í framkvæmd og bjóða upp á fjölbreyttar leiðir til að efla kennslu og nám. Þú getur hafið verkefni hvenær sem er og í eTwinning er enginn umsóknarfrestur.
Hvernig byrjar þú?
- Skráðu þig með EU Login
- Búðu til aðgang á ESEP
- Virkjaðu eTwinning ef þú ert kennari eða starfsmaður skóla
- Finndu samstarfsaðila, námskeið eða viðburði sem henta þér
