Starfsemi Erasmus+ á Íslandi er víðfeðm og tekur til margra þátta. Með því að fylgjast með fréttum og tilkynningum um námskeið er hægt að fá upplýsingar um umsóknarfresti, námskeið Landskrifstofu fyrir umsækjendur, námskeið sem standa til boða fyrir umsækjendur erlendis o.s.frv.
Reglulega birtir Landskrifstofa fréttir um ýmislegt sem varðar starfsemina.
Við styrkjum þá sem starfa í æskulýðsgeiranum eða eru virkir í félögum ungs fólks til að sækja námskeið á vegum landsskrifstofa Erasmus+ víða í Evrópu. Námskeiðin snúast um að læra betur á óformlegt nám, skipuleggja verkefni innan Erasmus+, starf með ungu fólki og fleira.
Landsskrifstofa Erasmus+ greiðir fyrir þátttöku og gistinætur á meðan ráðstefnunni stendur. Landsskrifstofan veitir að auki 90% styrk vegna ferðakostnaðar, en í því felast allar ferðir til og frá flugvöllum, sem og auka gistinætur sem þátttakendur þurfa hugsanlega að taka vegna fjarlægðar sinnar frá fundarstað, bæði innanlands og utan.
Reglulega birtast í íslenskum fjölmiðlum umfjallanir um áhugaverð verkefni sem styrkt eru af Erasmus+. Við reynum að fylgjast með og birtum tengla í umfjöllun um þau. Ef þú veist um umfjöllun um verkefni sem hefur farið framhjá okkur, láttu okkur endilega vita. erasmusplus@rannis.is
Landskrifstofa Erasmus+ sendir reglulega út fréttabréf með helstu upplýsingum um starfsemina.
Til þess að fá fréttabréfið sent þarf að skrá sig á póstlista Rannís og velja þar viðeigandi markhóp.
Þú getur breytt eða sagt upp áskriftinni hvenær sem er. Gögn eru geymd í samræmi við persónuverndarlög og mun Rannís ekki birta eða deila persónulegum upplýsingum sem veittar eru af þér, án þíns samþykkis.
Á síðunni "Vefstofur Erasmus+" er hægt að nálgast auglýsta viðburði og námskeið í streymi á vefnum.
