eTwinning skólar á Íslandi

Í nóvember 2023  bættust við þrír íslenskir eTwinning skólar en það eru Grunnskóli Bolungarvíkur, Ingunnarskóli og Selásskóli. Grunnskóli Bolungarvíkur og Selásskóli hafa áður hlotið viðurkenninguna.

Hér á landi eru því 13 eTwinning skólar:

Leikskólar: Heilsuleikskólinn Skógarás, Leikskólinn Furugrund og Leikskólinn Holt.

Grunnskólar: Grunnskóli Vestmannaeyja, Hrafnagilsskóli, Brekkubæjarskóli, Grunnskóli Bolungarvíkur, Hamraskóli, Norðlingaskóli, Selásskóli og Setbergsskóli.

Framhaldsskólar: Flensborgarskólinn og Verzlunarskóli Íslands. 

Kennarar í þessum skólum eiga það sameiginlegt að taka virkan þátt í eTwinning.

Að gerast eTwinning skóli er liður í skólaþróun. Fyrir utan að eflast enn frekar í notkun upplýsingatækni og alþjóðasamstarfi hafa eTwinning skólar tækifæri til styrkja starfsþróun kennara og skólastjórnenda auk alþjóðatengsla skólans.

• eTwinning skólar eru sýnilegri í skólasamfélagi eTwinning
  

• Skólarnir fá tækifæri til að mynda tengsl við aðra eTwinning skóla í Evrópu og verða hluti af evrópsku neti eTwinning skóla

• Þeir hafa aðgang að námskeiðum og vinnustofum sem eykur þannig möguleika og tækifæri til starfsþróunar fyrir kennara og skólastjórnendur.

Skilyrðin sem skólar þurfa að uppfylla til að geta sótt um titilinn eru eftirfarandi:

1. Skólinn hefur verið skráður í eTwinning í að lágmarki tvö ár
2. Í skólanum starfa að lágmarki tveir kennarar sem eru virkir í eTwinning
3. Að lágmarki einn kennari við skólann hefur tekið þátt í verkefni sem hlaut gæðamerki (National Quality Label) á síðustu tveimur árum

Sjá nánar um eTwinning skóla á Evrópuvef eTwinning