Tölfræði

Tölfræði

Helstu tölur Erasmus+ á Íslandi

  • Árið 1992 fóru fyrstu Íslendingarnir í nám og þjálfun erlendis með styrk frá Erasmus.

Erasmus+ áætlunin hófst árið 2014 og stendur til ársins 2020. Erasmus+ áætlunin styrkir verkefni á sviði menntunar, æskulýðsmála og íþrótta en hér er aðeins fjallað um menntahluta og æskulýðsstarf.

Erasmus+ áætlunin er dreifstýrð og fær hvert þátttökuland áætlunarinnar ákveðna upphæð til úthlutunar á hverju ári. Upphæðin er ákveðin á vettvangi ESB fyrir hvert skólastig á grundvelli reikniformúlu þar sem m.a. er tekið tillit til fólksfjölda og árangurs. Við úthlutun til þátttökulandanna hefur Ísland notið góðs af smæð landsins og árangurs fyrri ára.

Landskrifstofa Erasmus+ á Íslandi sér um umsýslu áætlunarinnar hér á landi og úthlutar styrkjum til verkefna. Á hverju ári er samtals um 6-7,5 milljónum evra úthlutað til íslenskra aðila í öllum flokkum. Útbúið hefur verið gagnvirkt yfirlit um úthlutun síðustu ára þar sem skoða má ýmsar upplýsingar meðal annars um fjölda umsókna, styrktra verkefna, styrkupphæðir og fjölda ferða sem styrktar hafa verið.

Veigamikill þáttur í Erasmus+ er að veita ferða- og uppihaldsstyrki til stofnana og samtaka í menntun og æskulýðsstarfi sem gefur þátttakendum  tækifæri til að öðlast víðtæka reynslu í þátttökulöndum Erasmus+. Áætlunin gerir þúsundum Evrópubúa kleift að vera á faraldsfæti ár hvert til að sækja sér þekkingu og reynslu. Ísland tekur líka á móti miklum fjölda Evrópubúa sem ferðast á vegum áætlunarinnar og að jafnaði koma um tvöfalt fleiri til landsins en fara frá því. Haldið er utan um ferðirnar á kerfisbundinn hátt og útbúin hefur verið gagnvirk tölfræði um ferðir til og frá Íslandi.

Kort yfir Evrópustyrki

Hægt er að sjá yfirlit yfir úthlutun Evrópustyrkja á Íslandi eftir landsvæðum og lögaðilum frá árinu 2000 á stóru yfirlitskorti. Kortið býður upp á ýmsa möguleika á að sía gögn eftir árum og áætlunum. T.d. er hægt að velja að sjá eingöngu gögn um Erasmus+.









Þetta vefsvæði byggir á Eplica