Leiðbeiningar um vefeyðublöðin

  • Vefeydublodin
    Umsóknareyðublöðin inn í umsóknarkerfi Erasmus+.

Í Erasmus+ er nú notast við vefeyðublöð. Vefeyðublöðin eru birt um leið og þau eru tilbúin, að jafnaði um 4-8 vikum fyrir umsóknarfrest. 

Til að nálgast vefeyðublöðin inn í umsóknarkerfi Erasmus+ þarf að skrá sig inn í kerfið með EU Login aðgangi.

EU Login aðgangur veitir aðgang að mismunandi þjónustum og kerfum sem notuð eru í tengslum við umsóknir og styrki, t.d. til að sækja um PIC númer. Öll samtök og samstarfsaðilar þurfa að vera með PIC númer til að hægt sé að sækja um styrk.

Umsóknarferlið er algjörlega rafrænt, sem þýðir að þú fyllir út og skilar umsókninni á netinu. Ekki þarf að skila inn prentuðu afriti af umsókninni. 


Umsóknareyðublaðið

  1. Gakktu úr skugga um að þú sért að velja rétt eyðublað. Athugaðu að heitin eru á ensku.

  2. Lýsingu á eyðublaðinu og tengill á ítarlegri leiðbeiningar má finna undir kaflanum „Guidelines“ í umsókninni.

  3. Skyldureitir í umsókninni eru merktir með rauðu og til að hægt sé að senda inn umsóknina þarf að vera búið að fylla inn í alla slíka reiti.

  4. Hægt er að sjá yfirlit yfir kafla í umsókninni vinstra megin á skjánum. Þegar fyllt hefur verið út í alla skyldureiti og allar reglur virtar í viðkomandi kafla er hann merktur með grænu haki í yfirlitinu (vinstra megin). Sé kaflinn merktur með rauðu viðvörunarmerki hefur ekki verið fyllt út í alla reiti eða ekki farið eftir reglum. Reiturinn þar sem upplýsingar vantar eða þær samrýmast ekki reglum ætti að vera merktur með rauðu.

  5. Eyðublaðið er vistað sjálfkrafa á 2 sekúndna fresti.

  6. Ef umsókninni er lokað (farið út af síðunni) er hægt að nálgast hana aftur í „My Applications“ flipanum á forsíðu umsóknarkerfisins .

  7. Sé þörf á að gera leiðréttingar eða breytingar á umsókn eftir að hún hefur verið send inn er hægt að opna hana aftur og senda inn þar til umsóknafrestur rennur út.

  8. Hægt er að nálgast PDF útgáfu af umsókninni áður en búið er að ljúka við hana og þegar hún hefur verið send inn með því að smella á PDF hnapp í neðra vinstra horni síðunnar. Gott er að gera þetta t.d. ef að deila á því sem komið er af umsókn með samstarfsaðilum.

  9. Settu í viðhengi þau skjöl sem skila þarf með umsókninni, það er skylda að láta undirskrift löggilts aðila innan stofnunarinnar fylgja með. Sjá nánari umfjöllun hér fyrir neðan.
  10. Sendu umsóknina þína inn með því að ýta á „submit" hnappinn fyrir lok umsóknarfrests. Þegar þú hefur sent umsóknina inn birtast skilaboð um það hvort skilin hafi gengið í gegn eða ekki.

Undirskrift umsóknar - mjög mikilvægt

Undirskrift verður að fylgja með rafrænu umsókninni, fylgi hún ekki með getur umsóknin talist ógild.

  1. Síðu fyrir undirskrift þarf að prenta út. Til að sækja hana opnar þú „Annexes" kaflann í umsókninni og smellir á „Download declaration of honour"

  2. Löggiltur fulltrúi skrifar undir umsóknina.

  3. Skannaðu inn undirrituðu síðuna.

  4. Vistaðu skrána á tölvuna þína og settu nafn þitt og stofnunar þinnar í skráarheiti.

  5. Settu skannaða skjalið með undirskriftinni í viðhengi í umsókninni.

Fylgiskjöl umsóknar

  • Settu undirskriftina og önnur skjöl sem við eiga í viðhengi við umsóknina ( t.d. mandate-samninga við erlenda samstarfsaðila og dagskrá verkefnis þar sem það á við).

  • Í "Annexes" kafla umsóknarinnar er hægt að nálgast eyðublöð fyrir undirskrift (declaration of honour) og þar sem við á, mandate og timetable sniðmát. Skylda er að notast við þau eyðublöð sem þarna eru eigi þau að fylgja með umsókninni á annað borð.

  • Einungis er mögulegt að senda tíu fylgiskjöl með hverri umsókn samtals að hámarki 10240 KB. Ef nauðsynlegt er til dæmis að senda afrit af fleiri en einum samstarfssamningi má skanna þá alla inn í sama skjalið.

Athugið að lesa vel reglurnar varðandi viðeigandi styrki í Handbók Erasmus+.


Gott að hafa í huga varðandi umsóknir

  • Þú verður að vera tengd/ur við internetið til að senda inn umsóknina.

  • Til þess að reikna fjarlægðir og ferðakostnað fyrir fjárhagshluta umsóknarinnar, skal taka mið að niðurstöðum reiknivélar fyrir vegalengdir.

  • Það er skylda að setja þau skjöl sem beðið er um í umsóknarforminu í viðhengi við umsóknina.

  • Hægt er að taka út umsóknina á PDF formi með því að smella á PDF hnapp í neðra vinstra horni umsóknarinnar.

  • Sendu umsóknina inn tímanlega, vefumsóknakerfið lokar á skil þegar umsóknarfrestur rennur út.

  • Ef þú átt í vandræðum með að senda umsóknina inn: Taktu skjámynd af villuboðunum, sendu hana ásamt umsókninni og öðrum fylgiskjölum í tölvupósti  á netfangið erasmusplus(hja)rannis.is. Þú verður að hafa samband við okkur innan tveggja klukkustunda frá því að umsóknarfrestur rennur út til þess að fá aðstoð. Athugið að tveggja klukkustunda reglan gildir aðeins ef um alvarlega tæknilega örðugleika er að ræða.

Vinsamlegast athugið: Allt umsóknarferlið er rafrænt sem og umsóknareyðublöðin. 

Umsóknareyðublöð eru sett inn á vefinn nokkrum vikum fyrir umsóknarfrest og er það auglýst sérstaklega þegar þau eru aðgengileg.








Þetta vefsvæði byggir á Eplica