Umsóknarfrestir fyrir Erasmus+ 2016

22.10.2015

  • Glaðlegt ungt fólk

Framkvæmdastjórn Evrópusambandsins hefur tilkynnt að umsóknarfrestur fyrir náms- og þjálfunarhluta (K-1) Erasmus+ verði 2. febrúar 2016. Umsóknarfrestur fyrir fjölþjóðleg samstarfsverkefni Erasmus+ (K-2) verður hins vegar 31. mars 2016.

Nám og þjálfun  – umsóknarfrestur 2. febrúar 2016

Nám og þjálfun veitir starfsfólki menntastofnana og fyrirtækja á öllum skólastigum, sem og nemendum í starfsmenntun og á háskólastigi, tækifæri til að sinna námi, starfsþjálfun og kennslu í 33 Evrópulöndum.

Fjölþjóðleg samstarfsverkefni – umsóknarfrestur 31. mars 2016

Samstarfsverkefni eru 2-3 ára þematísk verkefni sem eiga að stuðla að nýsköpun í menntun á öllum skólastigum og yfirfærslu þekkingar og reynslu á milli Evrópulanda (minnst 3 samstarfslönd). 

Landskrifstofa Erasmus+ á Íslandi hvetur alla þá sem eru að hug á því að sækja um að byrja að að undirbúa verkefni fljótlega. Starfsfólk okkar er boðið og búið að veita ráðgjöf í því sambandi.

Einnig getur verið gott að kynna sér upplýsingar um umsóknarferlið áður en hafist er handa við undirbúning og lesa sér til um reglur um styrkveitingar og kröfur til verkefna í  Handbók Erasmus+.

Umsóknareyðublöð er hægt að sækja á síður viðkomandi undiráætlana þegar nær dregur umsóknarfresti.









Þetta vefsvæði byggir á Eplica