Tengslaráðstefna um einstaklingsmiðað nám

27.8.2015

Erasmus + landskrifstofa menntaáætlunar ESB á Íslandi auglýsir eftir þátttakendum á tengslaráðstefnu í Schwering í Þýskalandi dagana 22.-27. október 2015. Heiti ráðstefnunnar er  Raising the Quality of Teaching in the European Classroom - targeting the improvement of basic skills and exploring innovative ways of individualized teaching and learning.

Markhópurinn eru grunnskólastjórnendur og kennarar sem hafa áhuga á grunngildum menntunar, gæðum í skólastarfi og einstaklingsmiðuðu námi.

Á tengslaráðstefnuna sem skipulögð er af Erasmus + landskrifstofunni í Þýskalandi koma aðilar frá öðrum Evrópulöndum og er aðaltilgangur hennar að tengja aðila saman frá mismunandi löndum  með það í huga að senda inn umsókn í samstarfsverkefnahluta áætlunarinnar í næsta umsóknarfresti árið 2016.  Samstarfsverkefni er flokkur innan Erasmus+ sem hefur það að markmiði að þróa eða yfirfæra nýjungar á ólíkum stigum menntunar.

Í umsókn skal koma fram nafn, kennitala og reynsla umsækjenda. Einnig skal koma fram rökstuðningur fyrir því af hverju viðkomandi aðili ætti að fá styrkinn, hvort viðkomandi hafi reynslu af erlendu samstarfi og hvort umsækjandi sé með hugmynd að samstarfsverkefni. Meginreglan er sú að ekki fari nema einn frá hverjum skóla, fyrirtæki, stofnun eða sveitarfélagi.

Sækja umsóknarform


Íslenska landskrifstofan greiðir ferðir (allt að 650 evrur) og uppihald og ráðstefnugjald fyrir tvo þátttakendur frá Íslandi.

Umsóknarfrestur hefur verið framlengdur til 23. september.









Þetta vefsvæði byggir á Eplica