Mikil aukning í skólahluta Erasmus+

5.6.2018

  • Styrkþegar úr skólahluta Erasmus+ sem hlutu styrk til verkefna í flokknum Nám og þjálfun árið 2017, ásamt Andrési Péturssyni, verkefnisstjóra skólahlutans og Ágústi Hirti Ingþórssyni, forstöðumanni Landskrifstofa Erasmus+ menntaáætlunar ESB.

Rannís hefur úthlutað ríflega 4 milljónum evra eða um 500 milljónum króna í náms- og þjálfunarstyrki úr menntahluta Erasmus+, mennta- og æskulýðsáætlunar ESB.

Aldrei hefur verið úthlutað eins miklu fjármagni og í ár. Peningunum var úthlutað til 43 verkefna og njóta ríflega eitt þúsund einstaklingar frá skólastofnunum, fræðsluaðilum og fyrirtækjum góðs af styrkjunum að þessu sinni.

Styrkir hafa farið stighækkandi og í ár voru það einkum leik-grunn- og framhaldsskólar sem nutu góðs af því. En það er þó háskólastigið sem fær hæstu styrkina.

Alls bárust 77 umsókn um styrki að upphæð um 850 m.kr og hefur aldrei verið sótt um hærri upphæð.  Flestir umsækjendur hafa sótt um áður en þó er alltaf eitthvað um að nýliðar sæki um. Einkum er það í skólahlutanum sem nýliðar koma inn enda flestir lögaðilar í þeim flokki.

Náms- og þjálfunarverkefni gefa nemendum og starfsfólki skóla á öllum skólastigum, fræðslustofnana og fyrirtækja sem sinna menntun tækifæri til að taka hluta af námi eða sinna starfsþjálfun og kennslu í 33 löndum í Evrópu. Að auki geta háskólar sótt um samstarfsstyrki við lönd utan Evrópu. Eins og undanfarin ár var hæstum styrkjum úthlutað til Háskóla Íslands, Listaháskóla Íslands, Háskólans í Reykjavík og Tækniskólans. Einnig er gaman að geta þess að Verkmenntaskóli Austurlands á Neskaupsstað fékk góðan styrk fyrir iðn- og verknámið hjá sér.  Samtök sveitarfélaga á höfuðborgarsvæðinu fengu áframhaldandi styrk til að efla samstarf sveitarfélaganna varðandi móttöku flóttafólks. Í fullorðinsfræðslunni voru veittir styrkir til efla þjálfun fólks sem vinnur með innflytjendum og fólki í virkri atvinnuleit. Svo má geta þess að Langholtsskóli, í samvinnu við skóla- og frístundasvið Reykjavíkurborgar, sótti um styrk fyrir sína hönd og fjögurra leikskóla í hverfinu til að kynna sér hvernig efla megi mál og læsi barna á leik- og grunnskólastig.

Styrkþegar úr starfsmenntahluta Erasmus+ sem hlutu styrk til verkefna í flokknum Nám og þjálfun árið 2017, ásamt Margréti Jóhannsdóttur, verkefnisstjóra starfsmenntahlutans og Ágústi Hirti Ingþórssyni, forstöðumanni Landskrifstofa Erasmus+ menntaáætlunar ESB.

Erasmus+ mennta- og æskulýðsáætlun Evrópusambandsins er stærsta áætlun í heimi á þessu sviði. Ísland fær árið 2018 um 9 milljónir evra eða ríflega 1,1 milljarð króna til úthlutunar. Þar af eru um 870 m.kr. til menntahlutans. Markmið Erasmus+ áætlunarinnar í menntun eru að ýta undir nýsköpun og þróun á evrópskum menntakerfum, meðal annars með því að styðja verkefni sem miða að því að efla grunnþætti eins og læsi og stærðfræði, auka alþjóðasamstarf háskóla, ýta undir sköpunargáfu og frumkvæði nemenda, vinna gegn brotthvarfi, innleiða upplýsingatækni, efla starfsemi skólabókasafna og almennt efla gæði í menntun á öllum skólastigum og í atvinnulífi.

 

 

Yfirlit yfir úthlutaða styrki eftir skólastigum*

Leik-, grunn- og framhaldsskólar

19 skólum, sveitarfélögum og fyrirtæki sem starfa á leik-, grunn- og framhaldsskólastigi var úthlutað alls 474.107 evrum. Eftirtaldir hlutu styrki:

Stofnun Heiti umsóknar Úthlutun
Langholtsskóli Reception 68.400 €
Skólar ehf Early Intervention 41.760 €
Borgarholtsskóli Skapandi kennsla og lærdómur ll 39.080 €
Samtök sveitarfélaga á höfuðborgarsvæðinu Starfsspeglun í kennslu og aðlögun fjöl-/tvítyngdra í grunnskólum 34.100 €
Menntaskólinn á Tröllaskaga Towards organic learning and growing 32.285 €
Leikskólinn Holt Skapandi börn í stafrænum heimi 30.385 €
Fjölbraut Snæfellinga Every teacher flipped 29.665 €
Menntaskólinn við Sund Starfsþróun til að byggja upp nemendur 29.070 €
Leikskóli Seltjarnarness Five training, one goal 27.840 €
Fjölbraut Ármúla Innovation and education 27.630 €
Flensborgarskóli Móttaka flóttamanna- starfsþróun starfsmanna 24.040 €
Árskóli Að skapa, skrifa og elda 19.570 €
Víðistaðaskóli Skapandi greinar og margmiðlun 15.300 €
Brekkuskóli Starfsþróun og endurmenntun 12.110
Giljaskóli Intercultural and project management skills 11.480 €
Menntaskólinn á Akureyri Alþjóðavæðing 10.050 €
Vallaskóli Teymiskennsla og snjalltæki   9.300 €
Myndlistaskólinn í Reykjavík Endurmenntun fyrir kennara 8.102 €
Norðlingaskóli Byggjum brýr 3.940 €

Starfsmenntun

Ellefu starfsmenntaskólar og stofnanir fengu samtals 950.458 evrum úthlutað. Eftirtaldir aðilar hlutu styrki:

Stofnun Heiti umsóknar Úthlutun
Tækniskólinn Iðn og tækni er alþjóðleg 327.974 €
Myndlistaskólinn í Reykjavík Starfsumhverfi og nám í Evrópu 167.659 €
Fjölbraut Breiðholti Eflum verknám 120.134 €
Verkmenntaskóli Austurlands Efling starfsnáms 75.428 €
Borgarholtsskóli Sköpun í kennslu, námi og þjálfun 74.500 €
Verkmenntaskólinn á Akureyri Að víkka sjóndeildarhringinn 41.568 €
Menntaskólinn í Kópavogi Víkkum sjóndeildarhringinn 39.068 €
Iðan fræðslusetur Icelandic apprentices and staff 38.344 €
Keilir Aviation Academy Fjöláhafnarsamsarf á þotu 29.130 €
Fjölbraut Ármúla Health Care Training 19.548 €
Landspítalinn Facilitator for students and graduated 17.040 €

Fullorðinsfræðsla

Fimm aðilum sem starfa við fullorðinsfræðslu var úthlutað alls 54.565  evrum. Eftirtaldir hlutu styrki:

Stofnun Heiti umsóknar Úthlutun
Miðstöð símenntunar á Suðurnesjum Increased knowledge, skills and methods in education 17.855 €
Vinnumálastofnun Framlínuráðgjöf fyrir atvinnuleitendur 11.310 €
Símenntunarmiðstöð Eyjafjarðar Notkun upplýsingatækni í námi fullorðinna 11.470 €
Akureyrarbær- mannauðsdeild Þróun og nýsköpun í fræðslumálum 7.050 €
Fjölmennt Fræðsluferð vegna kennslu fullorðins fatlaðs fólk 6.880 €

Háskólar

Háskólinn á Akureyri, Háskólinn á Bifröst, Háskóli Íslands, Háskólinn í Reykjavík, Háskólinn á Hólum, Landbúnaðarháskóli Íslands á Hvanneyri og Listaháskóli Íslands fá samtals 2.137.880 evrur í hefðbundin stúdenta- og starfsmannaskipti. Þar að auki var úthlutað úr svokölluðum ,,alþjóðlegum“ hluta Erasmus+ . Í þeim flokki var háskólunum úthlutað 427.741 evrum í verkefni til að styrkja tengsl við háskóla utan Evrópu.

Stofnun Heiti umsóknar Úthlutun
Háskóli Íslands Stúdenta- og starfsmannaskipti 915.017 €
Listaháskóli Íslands Stúdenta- og starfsmannaskipti 771.870€
Háskólinn í Reykjavík Stúdenta- og starfsmannaskipti 219.725 €
Háskólinn á Akureyri Stúdenta- og starfsmannaskipti 138.533 €
Háskólinn á Bifröst Stúdenta- og starfsmannaskipti 41.332 €
Landbúnaðarháskóli Íslands Stúdenta- og starfsmannaskipti 32.123 €
Háskólinn á Hólum Stúdenta- og starfsmannaskipti 19.280 €

Úthlutun í Erasmus+ háskólahluta 2018 samstarf við lönd utan Evrópu

Háskóli Íslands Alþjóðasamstarf utan Evrópu 241.541 €
Háskólinn í Reykjavík Alþjóðasamstarf utan Evrópu 105.750 €
Listaháskóli Íslands Alþjóðasamstarf utan Evrópu 80.450 €

 

Styrkþegar úr fullorðinshluta Erasmus+ sem hlutu styrk til verkefna í flokknum Nám og þjálfun árið 2017, ásamt Margréti Sverrisdóttur, verkefnisstjóra fullorðinshlutans og Ágústi Hirti Ingþórssyni, forstöðumanni Landskrifstofa Erasmus+ menntaáætlunar ESB.

 

 

 

 

 

 

 

 



*Allar tölur birtar með fyrirvara um innsláttarvillur. 









Þetta vefsvæði byggir á Eplica