Erasmus+ upplýsingadagur

20.10.2015

Framkvæmdastjórn Evrópusambandsins stendur fyrir Erasmus + upplýsingadegi (Info Day) í Brussel mánudaginn 23. nóvember næst komandi. Þema dagsins verður undirbúningur fyrir verkefni sem falla undir flokkinn ,,Miðstýrð samstarfsverkefni“  (,,Sector Skills Alliances“ og ,,Knowledge Alliances“ ) á árinu 2016. 

Miðstýrð samstarfsverkefni  hafa sértækari markmið en hefðbundin Erasmus+ samstarfsverkefni.  Miðstýrðu verkefnin snúa  annars vegar að samstarfi atvinnulífs og skóla svokölluð ,,Sector Skills Alliances“.  Þau verkefni ganga út á þróun nýrra námsleiða eða aðferða við kennslu og þjálfun í ákveðnum starfsgreinum.  Hins vegar eru þetta svokölluð ,,Knowledge Alliances“  sem ganga út á samstarf háskóla og atvinnulífs.  Þannig verkefni leitast við að þróa námsleiðir, námskrár  og önnur menntaúrræði í samstarfi háskóla og fyrirtækja.  Framkvæmdastjórnin endurgreiðir ekki kostnað við ferðir eða uppihald.

Ljóst er að ekki komast allir til Brussel í eigin persónu og fyrir þá verður fundinum streymt beint. Nánari upplýsingar um slóðina verður birt þegar nær dregur.









Þetta vefsvæði byggir á Eplica