Tengslaráðstefna í Þýskalandi 18.-21. október 2018

23.8.2018

Landskrifstofa Erasmus+ menntaáætlunar ESB á Íslandi auglýsir eftir þremur þátttakendum á tengslaráðstefnuna Education for Democratic Citizenship in Erasmus+ School Exchange Partnerships. Ráðstefnan verður haldin í Freiburg, Þýskalandi, dagana 18.-21. október nk.

Markmið tengslaráðstefnunnar er að þátttakendur þrói og myndi hugmyndir að samstarfsverkefnum á grunnskólastigi þar sem áherslan er á lýðræði í skólastarfi.

Um er að ræða tveggja daga ráðstefnu en þó er mælt með því að þátttakendur mæti í opnunarkvöldverð ráðstefnunnar sem fram fer daginn áður en eiginleg dagskrá hefst (sjá nánari upplýsingar um dagskrá).

Tengslaráðstefnan er ætluð aðilum á grunnskólastigi. Leitað er að þátttakendum frá stofnunum sem stefna að KA2-samstarfi, s.s. grunnskólastjórum eða -kennurum, skólaskrifstofum o.s.frv. sem eru tilbúnir til að stofna til nýrra Erasmus+ samstarfsverkefna tengd þema ráðstefnunnar.

Í umsókn skulu koma fram upplýsingar um nafn, stofnun og stöðu innan skóla. Einnig upplýsingar um reynslu umsækjanda og verkefnishugmynd. Rík áhersla er lögð á myndun Erasmus+ verkefna og að þátttakendur fari sem fulltrúar sinna skóla/stofnana/samtaka og séu opnir fyrir að taka þátt í slíkri vinnu.

Við úthlutun styrkja er meginreglan að ekki fari nema einn frá hverjum skóla.

Landskrifstofa Erasmus+ á Íslandi veitir styrk fyrir 90% af upphæð ferðakostnaðar. Þátttökugjald greiðist af landskrifstofunni í Þýskalandi og inniheldur gistinætur á ráðstefnutíma (þrjár nætur), fæði og annað uppihald sem ráðstefnunni tengist.

Umsóknarfrestur er föstudagurinn 31. ágúst nk. kl. 13:00.

Sækja um þátttöku








Þetta vefsvæði byggir á Eplica