Tengslaráðstefna á Tenerife, Spáni, 24.-27. október 2018

6.9.2018

Landskrifstofa Erasmus+ menntaáætlunar ESB á Íslandi auglýsir eftir þremur þátttakendum á tengslaráðstefnuna Long-term Study Mobility (School Exchange Partnerships). Ráðstefnan verður haldin í Santa Cruz de Tenerife, á Spáni, dagana 24.-27. október nk.

Tengslaráðstefnan er ætluð aðilum á grunn- og framhaldsskólastigi og er markmið hennar það að þátttakendur þrói og myndi hugmyndir að samstarfsverkefnum á sviði nemenda- og kennaraskipta með öðrum evrópskum skólum á þeim skólastigum.

Leitað er að þátttakendum frá stofnunum sem stefna að slíkum verkefnum, s.s. skólastjórum eða -kennurum, skólaskrifstofum o.s.frv. sem eru tilbúnir til að stofna til nýrra Erasmus+ samstarfsverkefna tengd þema ráðstefnunnar.

Nánari upplýsingar (á ensku)

Í umsókn skulu koma fram upplýsingar um nafn, stofnun og stöðu innan skóla. Einnig upplýsingar um reynslu umsækjanda og verkefnishugmynd, ef hún er fyrir hendi. Rík áhersla er lögð á myndun Erasmus+ verkefna og að þátttakendur fari sem fulltrúar sinna skóla/stofnana/samtaka og séu opnir fyrir að taka þátt í slíkri vinnu.

Við úthlutun styrkja er meginreglan að ekki fari nema einn frá hverjum skóla.

Landskrifstofa Erasmus+ á Íslandi veitir styrk fyrir 90% af upphæð ferðakostnaðar. Þátttökugjald greiðist af landskrifstofunni á Spáni og inniheldur gistinætur á ráðstefnutíma (þrjár nætur), fæði og annað uppihald sem ráðstefnunni tengist.

Umsóknarfrestur er mánudagurinn 24. september nk. kl. 16:00.

Sækja um þátttöku








Þetta vefsvæði byggir á Eplica