Tengslaráðstefna um fullorðinsfræðslu í Varsjá, Póllandi, 8.-11. október

5.9.2019

Landskrifstofa Erasmus+ menntaáætlunar ESB á Íslandi auglýsir eftir tveimur þátttakendum á tengslaráðstefnuna Key competences for adults in cultural institutions. Ráðstefnan verður haldin í Varsjá, Póllandi, dagana 8.-11. október nk.

Bækur

Ráðstefnan er ætluð aðilum sem koma að fullorðinsfræðslu 
í menningarstofnunum, s.s. söfnum, bókasöfnum, félagsmiðstöðvum og öðrum sambærilegum stofnunum sem koma að fræðslu fullorðinna.

Samkvæmt athugunum pólsku landskrifstofunnar á síðasta ári bjóða menningarstofnanir víðsvegar um Evrópu fjölbreytta kosti á sviði fullorðinsfræðslu og hafa jafnframt verið að leita leiða til þess að þróa og bæta samstarf sitt við stofnanir í öðrum löndum álfunnar. Tilgangur ráðstefnunnar er að koma á slíku samstarfi, búa til tengslanet og skiptast á hugmyndum og þurfa umsækjendur því að vera áhugasamir um að stofna til samstarfsverkefna á þessu sviði. Ráðstefnan er opin bæði nýliðum og þeim sem vanir eru Erasmus+ verkefnum.

Í umsókn skulu koma fram upplýsingar um nafn, stofnun og stöðu innan stofnunar. Einnig upplýsingar um reynslu umsækjanda.

Ekki þarf að greiða fyrir þátttöku í ráðstefnunni, því gjaldið greiðist af landskrifstofunni í Póllandi og inniheldur gistinætur á ráðstefnutíma (þrjár nætur), fæði, efnisgjöld og annað uppihald sem ráðstefnunni tengist. Landskrifstofa Erasmus+ á Íslandi veitir að auki styrk fyrir 90% af upphæð ferðakostnaðar, en í því felast allar ferðir til og frá flugvöllum, sem og aukagistinætur sem þátttakendur þurfa hugsanlega að taka vegna fjarlægðar sinnar frá fundarstað, bæði innanlands og utan. Ferðastyrkurinn er greiddur í tvennu lagi, 500 evrur eru greiddar fyrirfram þegar umsækjendur hafa verið valdir og eftirstöðvarnar (upp að 90%) þegar heim er komið og uppgjöri hefur verið skilað.

Umsóknarfrestur er mánudagurinn 9. september nk. kl. 12:00.

SÆKJA UM ÞÁTTTÖKU








Þetta vefsvæði byggir á Eplica