Erasmus+ tengslaráðstefna á sviði starfsmenntunar á Írlandi

8.9.2016

Landskrifstofa Erasmus+ mennta- og æskulýðsáætlunar ESB á Íslandi auglýsir eftir þátttakendum á ráðstefnu á sviði starfsmenntunar sem ber heitið „VET Connected – GET Connected“. Ráðstefnan verður haldin í Dublin á Írlandi 23 – 25. nóvember. Áætlaður fjöldi þátttakenda er 50 manns, þar af eiga Íslendingar tvö sæti.

Á tengslaráðstefnur koma aðilar frá mörgum Evrópulöndum og er tilgangur þeirra að efla tengsl fagfólks frá mismunandi  löndum og finna samstarfsaðila með það í huga að senda inn umsókn í Erasmus+ áætlunina á næsta umsóknarfresti árið 2017.

Markmið ráðstefnunnar er að þátttakendur kynnist vel tækifærum Erasmus+ að deila reynslu og aðferðum góðra verkefna og þróa hugmyndir að nýjum Erasmus+  náms- og þjálfunarverkefnum.

Markhópar ráðstefnunnar eru  starfs­mennta­skólar, fyrirtæki og stofnanir sem vilja bjóða nemendum sínum og starfsfólki að taka þátt í evrópsku samstarfi. Þeir sem taka þátt skulu stefna að því að þróa verkefnahugmyndir og að taka þátt í verkefnum á sviði náms og þjálfunar (KA1).

Í umsókn skulu koma fram upplýsingar um nafn, stofnun og stöðu innan skóla. Einnig upplýsingar um reynslu umsækjanda og verkefnishugmynd. Við úthlutun styrkja er meginreglan að ekki fari nema einn frá hverjum skóla, fyrirtæki eða stofnun.

Landskrifstofa Erasmus+ á Íslandi veitir styrk fyrir ferðakostnaði. Þátttökugjald, gisting og uppihald meðan á ráðstefnunni stendur, er greitt beint af Landskrifstofu.

Umsóknarfrestur er til og með 22. september nk.

Umsóknareyðublað

Nánari upplýsingar








Þetta vefsvæði byggir á Eplica