School Education Gateway - vefgátt skóla- og fræðslumála

School Education Gateway er torg þar sem kennarar, skólafólk, sérfræðingar og raunar allir sem tengjast kennslu og skólaþróun á leik-, grunn- og framhaldsskólastigi koma saman. Í gáttinni er að finna verkfæri til að undirbúa umsóknir í Erasmus+ auk greina, frétta og upplýsinga um skólamál og skólastefnu í Evrópu. School Education Gateway er fjármögnuð af Erasmus+ og rekin á vegum framkvæmdastjórnar ESB.

Verkfæri til að undirbúa umsóknir í Erasmus+

Á School Education Gateway er að finna verkfæri til að auðvelda umsóknaskrif í Erasmus+. 

• Skólar sem eru að vinna umsókn í flokknum Nám og þjálfun (Key Action 1) fyrir starfsmenn sína geta leitað að námskeiðum og öðrum tækifærum til starfsþróunar (t.d. gestakennslu og starfskynningu), jafnframt því að óska eftir gestakennurum, starfsnemum o.þ.h. 
• Einnig geta skólar og stofnanir sem leita samstarfsaðila í flokknum Samstarfsverkefni (Key Action 2) nýtt sér leitarsvæði .
• Þeir sem skipuleggja evrópsk námskeið fyrir skólafólk geta sömuleiðis auglýst þau á vefgáttinni (til þess þarf að vera skráður notandi, sjá hér á eftir).

Fréttir, greinar og upplýsingar um skólamál í Evrópu

Auk ofangreindra verkfæra er gáttin vettvangur til að deila áhugaverðum greinum, fréttum og upplýsingum um skólamál og skólastefnu í Evrópu.

• Sjónarhorn sérfræðinga, kannanir og fleira.
• Greinar, útgáfur, námsefni og verkfærakistur fyrir kennara og skólastjórnendur.

Kennaraakademía

• Kennaraakademían býður upp á ýmis tækifæri til starfsþróunar fyrir kennarar, bæði staðar- og netnámskeið.

Hvernig fæ ég aðgang?

• Þarf að stofna aðgang? Þess þarf ekki, allir geta kynnt sér það efni sem er að finna á School Education Gateway.
• Hvers vegna að skrá sig? Hægt að nýta sér vefgáttina betur með því að vera skráður notandi – þú getur t.d. vistað leitarniðurstöður, sett inn auglýsingar, o.fl.
• Skráning er einföld og fer fram á forsíðunni (Register). Hægt er að tengja aðganginn Facebook, Twitter, Google+ og LinkedIn ef fólk vill. Gáttin er tengd eTwinning þannig að þeir sem eru skráðir í eTwinning geta notað aðgangsorð sín inn á School Education Gateway.

Sjá stutta kynningu hér: