Rúmlega 400 m.kr. úthlutað úr menntahluta Erasmus+

26.4.2016

Alls barst 71 umsókn um styrki að upphæð tæplega 790 m.kr. Mesta nýliðunin í hópi umsækjenda var í fullorðinsfræðslu en flestar umsóknir bárust í skólahlutann eða 36 umsóknir.

Náms- og þjálfunarverkefni gefa nemendum og starfsfólki skóla á öllum skólastigum, fræðslustofnana og fyrirtækja sem sinna menntun tækifæri til að taka hluta af námi eða sinna starfsþjálfun og kennslu í 33 löndum í Evrópu. Að auki geta háskólar sótt um samstarfsstyrki við lönd utan Evrópu. Eins og undanfarin ár var hæstum styrkjum úthlutað til Háskóla Íslands, Listaháskóla Íslands, Háskólans í Reykjavík og Tækniskólans. Einnig hlutu Fjölbrautaskólinn í Breiðholti, Fisktækniskólinn og Skólar ehf. stóra styrki en þeir tveir síðastnefndu sóttu um í fyrsta sinn. Mörg verkefnanna sem styrkt eru í ár snúa að fræðslu og þjálfun á öllum skólastigum vegna móttöku flóttafólks.

Erasmus+ mennta- og æskulýðsáætlun Evrópusambandsins er stærsta áætlun í heimi á þessu sviði. Ísland fær árlega um milljarð úthlutað til að styrkja verkefni á sviðum menntunar og æskulýðsmálefna. Markmið Erasmus+ áætlunarinnar í menntun eru að ýta undir nýsköpun og þróun á evrópskum menntakerfum, m.a. með því að styðja verkefni sem miða að því að efla grunnþætti eins og læsi og stærðfræði, ýta undir sköpunargáfu og frumkvæði nemenda, vinna gegn brotthvarfi, innleiða upplýsingatækni, efla náms- og starfsráðgjöf og almennt efla gæði í menntun á öllum skólastigum og í atvinnulífi.

Ekki tókst að úthluta öllu fjármagni sem var til úthlutunar í starfsmenntun og í alþjóðlega hluta háskólastigsins þannig að nýir umsóknarfrestir í þeim skólahlutum verða auglýstir í haust.

Leik-, grunn- og framhaldsskólar

24 Skólar, sveitarfélög og fyrirtæki sem starfa á leik-, grunn- og framhaldsskólastigi var úthlutað alls 296. 991 evrum. Eftirtaldir aðilar hlutu styrki:

Starfsmenntun

Sjö skólar og fræðsluaðilar sem bjóða upp á starfsmenntun fengu samtals 494.441 evrum úthlutað. Eftirtaldir aðilar hlutu styrki:

Háskólar

Háskólinn á Akureyri, Háskólinn á Bifröst, Háskóli Íslands, Háskólinn í Reykjavík, Háskólinn á Hólum, Landbúnaðarháskóli Íslands á Hvanneyri og Listaháskóli Íslands fá samtals 1.800.000 evrur í hefðbundin stúdenta- og starfsmannaskipti. Þar að auki var úthlutað úr svokölluðum ,,alþjóðlegum“ hluta Erasmus+ . Í þeim flokki var háskólunum úthlutað 211.834 evrum í verkefni til að styrkja tengsl við háskóla utan Evrópu. Eftirtaldir aðilar hlutu styrki:

Fullorðinsfræðsla

6 aðilar innan fullorðinsfræðslugeirans hlutu samtals 57.998 evrur. Eftirtaldir aðilar fengu styrki:

Upplýsingar eru með fyrirvara um innsláttarvillur.