Nýsköpun í mennta- og æskulýðsmálum með Erasmus+: Umsóknarfrestur um samstarfsverkefni er til 3. nóvember nk.

10.9.2021

  • Samstarf3nov

Samstarfsverkefni gefa íslenskum stofnunum og samtökum tækifæri til að efla nýsköpun og takast á við samfélagslegar áskoranir gegnum samvinnu við önnur lönd. Eins og í öðrum verkefnaflokkum Erasmus+ er mikil áhersla lögð á verkefni sem færa samfélaginu okkar aukna stafræna færni, virka þátttöku ungs fólks og jöfn tækifæri og fjölbreytileika. Einnig er sjálfbærni í brennidepli og hvatt til samstarfs sem leggur baráttunni gegn loftslagsbreytingum lið

Umsóknarfresturinn 3. nóvember er opinn í öllum hlutum áætlunarinnar: háskólahluta, starfsmenntun, æskulýðsmálum, fullorðinsfræðslu, og leik-, grunn- og framhaldsskólahluta. Hægt er að sækja um tvenns konar verkefni: annars vegar minni gerðina, sem leiðir saman að minnsta kosti tvo samstarfsaðila í tveimur löndum og byggir á einfölduðu styrkjakerfi, og hins vegar stærri verkefni þar sem þrír samstarfsaðilar í að minnsta kosti þremur löndum vinna saman. Undantekning hér er háskólahlutinn þar sem einungis stærri verkefni eru í boði.

Við hvetjum öll þau sem starfa á sviði æskulýðs- og menntamála til að grípa tækifærið og sækja um styrki til Evrópusamstarfs. Með Erasmus+ samstarfsverkefnum gefst kostur á að þróa og prófa nýjar leiðir og aðferðir, sem eykur ekki einungis gæðin í starfsemi þeirra stofnana og samtaka sem að samstarfinu koma heldur styrkir mennta- og æskulýðssamfélagið á Íslandi í heild og raunar í Evrópu allri.

Allar nánari upplýsingar má finna á síðunni okkar og í Erasmus+ handbókinni. Umsóknarformið er inni á Erasmus+ og ESC torginu og aðgengilegt á undirsíðu hvers hluta fyrir sig. Starfsfólk Landskrifstofu Erasmus+ á Íslandi er ávallt reiðubúið að veita aðstoð og ráðgjöf í umsóknarferlinu og hvetur umsækjendur til að hafa samband.

Nánar um samstarfsverkefni á háskólastigi

Nánar um samstarfsverkefni í starfsmenntun

Nánar um samstarfsverkefni á sviði æskulýðsmála

Nánar um samstarfsverkefni í fullorðinsfræðslu

Nánar um samstarfsverkefni í leik-, grunn- og framhaldsskólahluta

Erasmus+ handbókin: smærri samstarfsverkefni

Erasmus+ handbókin: stærri samstarfsverkefni









Þetta vefsvæði byggir á Eplica