Ungmennaskipti

Youth mobility

Fyrir hverja?

Öll ungmenni á aldrinum 13-30 ára ásamt hópstjórum. Það verða að vera minnst 16 ungir þátttakendur í einu verkefni og minnst 4 frá hverju landi. Félagasamtök, sveitarfélög og óformlegir hópar ungs fólks geta sótt um styrk.  

Ungt fólk sem býr við skert tækifæri er forgangshópur í Erasmus+. 


Til hvers?

Svo að ungt fólk kynnist menningu og lífi jafnaldra þeirra í öðrum löndum í Evrópu. Ungmennaskiptin verða að vera í minnst 5 daga og mest getur samveran varað í 21 dag. Ungmennin frá öllum löndunum, með hjálp hópstjóra, ákveða þema verkefnisins og búa til dagskrá sem hentar öllum þeim sem taka þátt. Slík dagskrá getur innihaldið t.d. vinnusmiðjur, umræður, hlutverkaleiki, íþróttir og útivist. Lærdómsferli er mikilvægt í ungmenna­skipta­verkefnum og verður dagskráin að byggja á hugmyndafræðinni um óformlegt nám. Með þessu geta ungmennin lært eitthvað nýtt, uppgötvað nýja menningu og siði í gegnum jafnaldra þeirra. Þannig efla þau gildi eins og t.d. samstöðu, lýðræði og vináttu. Þessar ferðir eiga ekki að snúast um að heimsækja túristastaði, hátíðir og mót.  

Umsóknarfrestur

15. febrúar, 26. apríl, 4. október (kl. 12:00 Brussel tími).

Sótt er um í gegnum rafrænt umsóknarkerfi Erasmus+.

*Athugið að umsóknareyðublöðin eru vefeyðublöð og það þarf EU Login aðgang til að nálgast þau. Umsóknareyðublaðið fyrir þennan verkefnaflokk eru aðgengileg undir „Youth mobility“ inn í umsóknarkerfinu. 

Hvert er markmiðið?

Veita ungu fólki tækifæri að hitta jafnaldra frá öðrum Evrópulöndum, læra eitthvað nýtt og koma til baka enn sterkari einstaklingur.

Hverjir geta sótt um?

Félagasamtök, sveitarfélög, stofnanir og óformlegir hópar ungs fólks sem eru virkir í ungmennastarfi. Skólar geta sótt um þegar um er að ræða verkefni tengd öðru en formlegu skólastarfi.

Hvernig finnur þú samstarfsaðila? 

Umsækjendur verða sjálfir að finna samstarfsaðila og eru upplýsingar um þá hluti af umsókn.

Ef þið eruð ekki búin að finna samtök til að vinna með mælum við með því að nota OTLAS leitarvélina . Á Otlas getið þið fundið samtök sem hafa líka áhuga á samstarfi og skráð ykkar samtök.

Hvað er styrkt?

Ferðastyrkur sem reiknast eftir vegalengdum í lofti:

  • 10-99 km: € 20 á mann
  • 100-499 km: € 180 á mann
  • 500-1999 km: € 275 á mann
  • 2000-2999 km: € 360 á mann
  • 3000-3999 km: € 530 á mann
  • 4000-7999 km: € 820 á mann
  • 8000 km og lengra: € 1500 á mann

Kostnaður v/ungmennaskiptanna: Fer eftir því hvar ungmennaskiptin fara fram.  Ef þau eru á Íslandi þá er hægt að sækja um € 45 fyrir hvern þátttakanda á dag, fyrir bæði ungmenni og hópstjóra. Gert er ráð fyrir að nýta þetta fjármagn fyrir t.d. gistingu og fæði. Einnig er hægt að sækja um styrk fyrir 2 aukadögum fyrir þau lönd sem ferðast milli landa. Upplýsingar um styrkupphæðir í mismunandi löndum má finna í Handbók Erasmus+

Kostnaður vegna þátttöku ungmenna með líkamlega/andlega fötlun eins og t.d. þroskafrávik, greindarskerðingu, og/eða námshömlun (special needs): 100% raunkostnaður. Hér gæti verið um að ræða aukakostnaður við framkvæmd verkefnis eins og t.d. v/fylgdarmanns, túlks eða tækja.

Annar kostnaður (exceptional cost):

  • Vegabréfsáritanir: 100% raunkostnaður.
  • Gisting og uppihald í undirbúningsheimsóknum: 100% raunkostnaður.
  • Aukakostnaður v/þátttöku ungmenna sem búa við skert tækifæri. Sjá nánar 
  • Hár ferðakostnaður: Á við ef upphæð ferðastyrks hér að ofan dekkar ekki 70% af heildar ferðakostnaði. Þá er hægt að sækja um allt að 80% af raunkostnaði vegna ferðalaga.  

Staðfesting á þátttöku - Youthpass

Tæki til að staðfesta þátttöku og meta lærdómsreynslu í Erasmus+ æskulýðsverkefnum heitir Youthpass. Allir einstaklingar sem taka þátt í styrkjaflokki Nám og þjálfun og Fundi ungs fólks og ráðamanna eiga rétt á að fá Youthpass. Youthpass er gefinn út af þeim sem skipuleggja verkefnið en byggir á sama formi sem SALTO-Youth hefur þróað.

Sjá nánar

Þátttökulönd (programme countries)

Hópar frá þátttökulöndunum 33 í Erasmus+ áætluninni geta tekið þátt. Þetta eru Evrópusambandslöndin 28, EFTA löndin Ísland, Liechtenstein og Noregur auk Tyrklands og Makedóníu.

Önnur lönd sem geta tekið þátt (partner countries)

21 land tilheyrir ekki þátttökulöndunum en geta jafnframt tekið þátt í ungmennaskiptaverkefnum. Þau eru skilgreind sem svæði í Handbókinni:

  • Svæði 1: Suð-austur Evrópa - Albanía, Bosnía-Hersegóvína, Kosovo, Serbía, Svartfjallaland
  • Svæði 2: Austur Evrópa - Armenía, Aserbaídsjan, Georgía, Hvítarússland, Moldavía, Úkraína,
  • Svæði 3: Miðjarðarhafslönd – Alsír, Egyptaland, Ísrael, Líbanon, Líbýa, Marokkó, Palestína, Sýrland, Túnis
  •  Svæði 4: Rússland

Dæmi um verkefni

Heiti verkefnis: Expanding more borders: 2nd Youth Exchange for Icelandic and Belgian Youth at Risk

SkipuleggjendurStyrktarfélag lamaðra og fatlaðra í Reykjavík + Jeugdzorg Emmaus í Mechelen.

Ungir þátttakendur: 14-18 ára, 10 ungmenni frá Íslandi og 11 frá Belgíu.

Markmið: Veita unga fólkinu tækifæri til að takast á við nýjar áskoranir í nýjum aðstæðum með jafnöldrum frá öðru landi. Tilgangurinn var að fara með ungmennin út fyrir þægindarammann til að efla þau.

Árangur: Þátttakendur lærðu að setja sér markmið og náðu þeim. Þeir eignuðust nýja vini frá öðru landi. Félagsleg færni jókst. Hópstjórar lærðu að skipuleggja ungmennaskipti og nota aðferðina experiental learning.

Kynningarmyndband um verkefnið "Út fyrir þægindarammann"

Kynningarmyndbönd fyrir umsækjendur

Spilunarlisti með 11 kynningarmyndböndum.
Umsóknareyðublaðið - 6 kaflar.

Nánari upplýsingar








Þetta vefsvæði byggir á Eplica