Námskeið í Evrópu

Við styrkjum þá sem starfa í æskulýðsgeiranum eða eru virkir í félögum ungs fólks til að sækja námskeið á vegum landsskrifstofa Erasmus+ víða í Evrópu. Námskeiðin snúast um að læra betur á óformlegt nám, skipuleggja verkefni innan Erasmus+, starf með ungu fólki og fleira.

Þeir sem fara á námskeið í æskulýðsgeiranum erlendis á vegum Erasmus+  greiða 10% af ferðakostnaði í þátttökugjald en fá styrk fyrir öllum öðrum kostnaði. Þeir þátttakendur sem komast að á námskeiðum erlendis eru beðnir að staðfesta þátttöku sína í tölvupósti. anna.r.moller@rannis.is Þeir fá síðan sent eyðublað sem er notað þegar óskað er eftir endurgreiðslu á ferðakostnaði.  Einnig eru þeir beðnir að svara rafrænni könnun eftir heimkomu.  

Fari námskeið fram á Íslandi greiða íslenskir þátttakendur 7.500 kr. þátttökugjald. Landsskrifstofa Erasmus+ styrkir aðeins þátttöku á námskeiðum sem birtast á þessari síðu en ekki á öllum námskeiðum sem birtast á The European Training Calendar. Athugið að þátttakendur á námskeiðum verða að vera orðnir 18 ára þegar námskeiðið fer fram, nema annað sé tekið fram. Við veitum líka styrki til samtaka til að skipuleggja sín eigin námskeið. Ef þú villt kynna þér það skaltu fara á síðuna um þjálfun starfsmanna.

Yfirlit yfir námskeið








Þetta vefsvæði byggir á Eplica