Frumkvæði ungs fólks

Strategic Partnerships for youth

Fyrir hverja?

Óformlega hópa ungs fólks sem eru virkir í ungmennastarfi. Þátttakendur frá hverju landi þurfa að vera a.m.k. 4 og á aldrinum15-30. 

Til hvers?

Frumkvæðisverkefni snúast um að ungt fólk í Evrópu vinni saman að einhverju sniðugu. Það sem skiptir mestu máli er að ungt fólk eigi sjálft frumkvæði að verkefninu og að þau sýni fram á að þau læri eitthvað nýtt í ferlinu. Sýna þarf fram á að hugmyndin er þeirra og skipulag og framkvæmd verkefnisins sé í þeirra höndum. Verkefnin geta verið mjög fjölbreytt og getur nánast hvað sem ykkur dettur í hug orðið að frumkvæðisverkefni. Algengustu verkefnin í þessum flokki tengjast skapandi greinum eða samfélagsverkefnum.

Umsóknarfrestur

Umsóknarfrestir eru þrisvar sinnum á ári, 5. febrúar, 30. apríl, 1. október.

Sótt er um í gegnum rafrænt umsóknarkerfi Erasmus+.

*Athugið að umsóknareyðublöðin eru vef-eyðublöð og það þarf EU Login aðgang til að nálgast þau. Umsóknareyðublaðið fyrir þennan verkefnaflokk er aðgengilegt undir "Strategic Partnerships for youth". 

Hvert er markmiðið?

Markmið frumkvæðisverkefna er að gefa ungu fólki tækifæri til að læra af því að skipuleggja og framkvæma eigin verkefni.

Hverjir geta sótt um?

Umsækjendur og samstarfsaðilar þurfa að vera óformlegir hópar ungs fólks. Bæði umsækjandi og samstarfsaðilar þurfa að búa til PIC númer (https://www.erasmusplus.is/menntun/fyrir-umsaekjendur/pic-numer/) fyrir hópinn sinn. Eitt ungmenni í hverjum hóp þarf að taka að sér að vera Löggildur fulltrúi hópsins (Legal representative) og skrifa undir samning fyrir hönd hópsins og bera ábyrgð á verkefninu.

Hvernig finnur þú samstarfsaðila?

Umsækjendur verða sjálfir að finna sína samstarfsaðila og eru upplýsingar um þá hluti af umsókn. 

Ef þið eruð ekki búin að finna hóp til að vinna með mælum við með því að nota OTLAS leitarvélina . Á Otlas getið þið fundið aðra hópa sem hafa líka áhuga á samstarfi, eða skráð ykkar eigin hóp þar inn.

Hvað er styrkt?

Sá hópur sem leiðir verkefnið sækir um fyrir hönd allra samstarfsaðila. Sótt er um til landskrifstofu í landi umsækjanda.

  • Verkefni geta varað í 6-24 mánuði
  • Styrkupphæðir eru í formi fastra upphæða (unit contribution) en ekki raunkostnaðar.  

Kostnaður vegna verkefnisstjórnar

  • Skipulagssamtök: € 500 á mánuði.
  • Önnur samtök: € 250 á mánuði á samtök.
  • Hámark: € 2.750 á mánuði (ef það eru 10 hópar í verkefninu).

Fjölþjóðlegir fundir

Ferðakostnaður er styrktur. Vegalengdir miðast við loftlínu. Notið þessa reiknivél til að finna vegalengdina.

  • Ef ferðast er 100-1.999 km: € 575 á mann.
  • Ef ferðast er lengra en 2000 km: € 760 á mann.

Stuðningur við sérþarfir

  • 100% af kostnaði vegna þátttöku fatlaðra einstaklinga.

Þátttökulönd

Hópar frá þátttökulöndunum 33 í Erasmus+ áætluninni geta tekið þátt. Þetta eru Evrópusambandslöndin 28, EFTA löndin Ísland, Liechtenstein og Noregur auk Tyrklands, Serbíu og Makedóníu.

Dæmi um verkefni

EU street project

Verkefnið var framkvæmt af hópum ungmenna á Íslandi, í Þýskalandi og í Tékklandi. Markmið verkefnisins var að semja, taka upp og spila saman tónlist og búa til tónlistarmyndbönd. Verkefnið fól í sér mikil netsamskipti þar sem hóparnir skiptust á upptökum og settu saman tónlistarmyndbönd ásamt því að skiplagðir voru tónleikar í höfuðborgum allra landanna sem tóku þátt í verkefninu.

Myndband um verkefnið "Street Project".

Kynningarmyndbönd fyrir umsækjendur

Spilunarlisti í 16 köflum, kaflar 13-16 fjalla um umsóknareyðublaðið.








Þetta vefsvæði byggir á Eplica